|    Oct 16 Tue, 2018 11:53 pm
FLASH NEWS
Home   >  Kerala   >  

വിദ്യാര്‍ഥിയില്‍ നിന്നും കഞ്ചാവ് പിടിച്ചെടുത്തു; അധ്യാപികക്ക് വധഭീഷണി

Published : 24th September 2018 | Posted By: afsal ph

ചാവക്കാട്: സ്‌കൂളിലേക്ക് ഒമ്പതാം ക്ലാസുകാരന്‍ കൊണ്ടുവന്ന ബാഗ് പരിശോധിച്ചപ്പോള്‍ കണ്ടത് കഞ്ചാവ് പൊതികളും കഞ്ചാവ് വലിക്കുന്നതിന് ഉപയോഗിക്കുന്ന വസ്തുക്കളും. പൂട്ടും താക്കോലുമിട്ട ബാഗ് പരിശോധിച്ച അധ്യാപികക്ക് കഞ്ചാവ് സംഘത്തിന്റെ വധഭീഷണി. സ്‌കൂള്‍ അധികൃതരും അധ്യാപികയും ചാവക്കാട് പോലിസില്‍ പരാതി നല്‍കി. മേഖലയിലെ സര്‍ക്കാര്‍ സ്‌കൂളില്‍ കഴിഞ്ഞ ദിവസമാണ് സംഭവം. സ്‌കൂളിലേക്ക് ഒരു വിദ്യാര്‍ഥി കൊണ്ടു വന്ന ബാഗ് പൂട്ടു താക്കോലും ഉപയോഗിച്ച് പൂട്ടിയത് ശ്രദ്ധയില്‍പ്പെട്ട അധ്യാപിക ബാഗ് തുക്കാന്‍ ആവശ്യപ്പെട്ടെങ്കിലും വിദ്യാര്‍ഥി ഇതിനു തയ്യാറായില്ല. ഇതോടെ അധ്യാപിക തന്നെ തുറന്നു നോക്കിയപ്പോഴാണ് കഞ്ചാവ് പൊതികളും ഇത് വലിക്കാന്‍ ഉപയോഗിക്കുന്ന ഉപകരണവും കണ്ടത്. ഉടന്‍ തന്നെ വിവരം പ്രധാനധ്യാപകനെ വിവരം അറിയിച്ചു. വിദ്യാര്‍ഥിയെ ചോദ്യം ചെയ്തപ്പോള്‍ നാട്ടിലെ ക്ലബ്ബില്‍ നിന്നും ലഭിച്ചതെന്നായിരുന്നു മറുപടി പറഞ്ഞത്. പിന്നീട് വൈകുന്നേരം അധ്യാപിക ബസ് സ്‌റ്റോപ്പില്‍ ബസ് കത്തു നില്‍ക്കവെ രണ്ടംഗ സംഘം മുഖം മറച്ചെത്തി വധ ഭീഷണി മുഴക്കുകയായിരുന്നു. മേഖലയിലെ സ്‌കൂളുകള്‍ കേന്ദ്രീകരിച്ച് വന്‍ കഞ്ചാവ് വിതരണസംഘമാണ് പ്രവര്‍ത്തിക്കുന്നത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss