വിവാദ പരാമര്‍ശം;അമിത് ഷായ്ക്ക് ക്ലീന്‍ചീട്ട്

[related]

മുസഫര്‍നഗര്‍: 2014 ലെ ലോക്‌സഭാ തിരഞ്ഞെടുപ്പ് സമയത്ത് നടത്തിയ വിവാദ പരാമര്‍ശ കേസില്‍ ബിജെപി ദേശീയ പ്രസിഡന്റ് അമിത് ഷായ്ക്ക് ഉത്തര്‍പ്രദേശ് കോടതിയുടെ ക്ലീന്‍ചീറ്റ്. കേസില്‍ ഷായ്‌ക്കെതിരേ തെളിവുകള്‍ ഇല്ലെന്ന് ചൂണ്ടികാട്ടിയ കോടതി ഷാ കുറ്റക്കാരനല്ലെന്നും ചൂണ്ടികാട്ടി.
നരേന്ദ്ര മോഡി ജയിച്ചാല്‍ 'മുല്ലാ' മുലായം സിങ് സര്‍ക്കാര്‍ താഴെ വീഴുമെന്ന് അമിത് ഷാ മുസഫര്‍നഗര്‍ ജില്ലയിലെ തിരഞ്ഞെടുപ്പ് പ്രചാരണ റാലിക്കിടെ  പ്രസ്താവിച്ചിരുന്നു. വിദ്വേഷ പ്രസംഗം നടത്തിയെന്ന് കാണിച്ചാണ് ഉത്തര്‍പ്രദേശ് പോലിസ് കാക്രോലി  സ്‌റ്റേഷനില്‍ ഷായ്‌ക്കെതിരേ കേസ് ഫയല്‍ ചെയ്തത്. എന്നാല്‍ കേസില്‍ ഇന്നലെ പോലിസ് സമര്‍പ്പിച്ച റിപ്പോര്‍ട്ടില്‍ ഷായ്‌ക്കെതിരേ തെളിവുകള്‍ ഇല്ലെന്ന് അറിയിക്കുകയായിരുന്നു. തുടര്‍ന്ന് ഇന്നാണ് കോടതി ഷായെ കുറ്റവിമുക്തനാക്കിയിത്.