പാക് സര്ക്കാരിനു മേല് സൈന്യം നിയന്ത്രണം ശക്തമാക്കുന്നു
BY swapna en20 Oct 2015 4:03 AM GMT
swapna en20 Oct 2015 4:03 AM GMT
ന്യൂയോര്ക്ക്: നവാസ് ശരീഫ് സര്ക്കാരിനു മേല് പാക് സൈന്യം നിയന്ത്രണം ശക്തമാക്കുന്നു. വിരമിച്ച ലെഫ്റ്റനന്റ് ജനറല് നസീര്ഖാന് ജന്ജുവയെ പുതിയ സുരക്ഷാ ഉപദേഷ്ടാവായി നിയമിക്കാനുള്ള പാക് നീക്കം ഭരണകൂടത്തിനു മേലുള്ള സൈനിക നിയന്ത്രണം ശക്തമാക്കുന്നതിനുള്ള തെളിവാണെന്നാണു വിലയിരുത്തല്. നവാസ് ശരീഫിന്റെ യുഎസ് പര്യടനത്തില് നസീര്ഖാന് ജന്ജുവയും ഒപ്പമുണ്ടാവുമെന്ന് ഔദ്യോഗികവൃത്തങ്ങളെ ഉദ്ധരിച്ച് ടൈം മാഗസിന് റിപോര്ട്ട് ചെയ്യുന്നു. പാക് കരസേനാ മേധാവിയായ റഹീല് ശരീഫ് മാസങ്ങള്ക്കു മുമ്പ് മുതല് തന്നെ ജന്ജുവയെ പുതിയ സുരക്ഷാ ഉപദേഷ്ടാവായി നിയോഗിക്കാന് സമ്മര്ദ്ദം ചെലുത്തുന്നതായി ശരീഫ് മന്ത്രിസഭയിലെ മുതിര്ന്ന അംഗം ആരോപിച്ചിരുന്നു. നിലവിലെ സുരക്ഷാ ഉപദേഷ്ടാവായ സര്താജ് അസീസ് തന്നെ സ്ഥാനത്തു തുടരണമെന്നാണു ശരീഫിന്റെ താല്പര്യം. വിദേശകാര്യ മന്ത്രാലയത്തിന്റെ ചുമതലകൂടി വഹിക്കുന്ന സര്താജ് അസീസിനു ജോലിഭാരം കൂടുതലുണ്ടെന്നാണ് കരസേനാമേധാവിയുടെ വാദം.ജന്ജുവ അധികാരത്തിലേറിയാല് ഇന്ത്യയുമായുള്ള ചര്ച്ചകളുള്പ്പെടെയുള്ള സുരക്ഷാകാര്യങ്ങളില് മേല്നോട്ടം വഹിക്കുമെന്നാണു കണക്കാക്കുന്നത്.
Next Story
RELATED STORIES
ജയിലില് കഴിയുന്ന നേതാക്കളെ താരപ്രചാരകരാക്കി എഎപി; കെജ്രിവാളിന്റെ...
26 April 2024 7:03 AM GMTകേന്ദ്ര-സംസ്ഥാന സർക്കാരുകളോടുള്ള പ്രതിഷേധം തിരഞ്ഞെടുപ്പിൽ...
26 April 2024 6:46 AM GMTരാജ്യത്തുടനീളം കോണ്ഗ്രസ് അനുകൂല സാഹചര്യമെന്ന് ജയറാം രമേശ്
26 April 2024 6:29 AM GMTദുബയില് വാഹനാപകടത്തില് തൊടുപുഴ സ്വദേശി മരണപ്പെട്ടു
26 April 2024 6:10 AM GMTമുഴുവന് വിവിപാറ്റും എണ്ണണമെന്ന ഹരജികളെല്ലാം സുപ്രിംകോടതി തള്ളി
26 April 2024 6:07 AM GMTഎല്ഡിഎഫ് ബൂത്ത് ഏജന്റ് ഹൃദയാഘാതത്തെ തുടര്ന്ന് മരിച്ചു
26 April 2024 5:44 AM GMT