നാല്‍പതോളം പ്രവര്‍ത്തകരെ ഐഎസ് കൊലപ്പെടുത്തി

ബഗ്ദാദ്: ചാരവൃത്തി നടത്തിയതിന് ഐഎസ് നാല്‍പതോളം പ്രവര്‍ത്തകരെ കൊലപ്പെടുത്തിയതായി റിപോര്‍ട്ട്.
യുഎസ് സഖ്യസേനയ്ക്കു വിവരങ്ങള്‍ കൈമാറിയെന്നാരോപിച്ച് കഴിഞ്ഞ മാര്‍ച്ചില്‍ സീനിയര്‍ കമാന്‍ഡര്‍ അബു ഹയ്ജായെ ഐഎസ് കൊലപ്പെടുത്തിയത് ഇതിനു തെളിവായി റിപോര്‍ട്ടില്‍ ചൂണ്ടിക്കാട്ടുന്നു. ചാരവൃത്തിയുടെ പേരില്‍ നിരവധി പേരെ ഐഎസ് തടവിലാക്കിയതായും റിപോര്‍ട്ടുണ്ട്.
സിറിയന്‍ വിമതസംഘടനകളാണ് ഇക്കാര്യം റിപോര്‍ട്ട് ചെയ്തത്. കുര്‍ദിഷ് സൈന്യവും ഇറാഖ് രഹസ്യാന്വേഷണവിഭാഗവും ഇറാഖ് സര്‍ക്കാര്‍വൃത്തങ്ങളും റിപോര്‍ട്ട് സ്ഥിരീകരിക്കുന്നു.
മറ്റുള്ളവര്‍ക്കുള്ള മുന്നറിയിപ്പെന്നോണം കൊലപ്പെടുത്തുന്നവരുടെ വീഡിയോദൃശ്യങ്ങള്‍ മുതിര്‍ന്ന നേതാക്കള്‍ പുറത്തുവിടാറുമുണ്ട്.