എറണാകുളം ഗവ. മെഡിക്കല് കോളജില് ആന്റിബയോട്ടിക് ഇഞ്ചക്ഷന് എടുത്ത രോഗികള് ഐസിയുവില്
BY Sumeera SMR5 Dec 2015 4:33 AM GMT
Sumeera SMR5 Dec 2015 4:33 AM GMT
കളമശ്ശേരി: എറണാകുളം ഗവ. മെഡിക്കല് കോളജില് ആന്റിബയോട്ടിക് ഇഞ്ചക്ഷന് എടുത്ത പത്തുരോഗികള്ക്ക് വിറയല് ഛര്ദ്ദി, പനി, ബോധക്ഷയം അനുഭവപ്പെട്ടതിനെത്തുടര്ന്ന് ഐസിയുവിലേക്ക് മാറ്റി. പിന്നീട് ഏഴുപേരെ വാര്ഡിലേക്ക് നീക്കംചെയ്തു. ഇന്നലെ രാവിലെ 10ന് മെഡിക്കല് കോളജിലെ മെഡിസിന് വാര്ഡായ ഡി വാര്ഡിലാണ് സംഭവം. രോഗികള്ക്ക് ആന്റിബയോട്ടിക് ഇഞ്ചക്ഷന് എടുക്കുന്നതിനിടയില് ശക്തമായ വിറയലും ഛര്ദ്ദിയും ബോധക്ഷയവും അനുഭവപ്പെടുകയായിരുന്നു. രോഗികള്ക്ക് വിറയലും ഛര്ദ്ദിയും അനുഭവപ്പെട്ടതോടെ മറ്റു രോഗികളും രോഗികളുടെ കൂട്ടിരിപ്പുകാരം പരിഭ്രാന്തരായി. തുടര്ന്ന് ആശുപത്രിയിലെ മുതിര്ന്ന ഡോക്ടര്മാരും മറ്റും വാര്ഡിലെത്തി. ഡി വാര്ഡില് ശ്വാസകോശം, ന്യുമോണിയ തുടങ്ങിയ രോഗങ്ങള് പിടിപെട്ട ആളുകളാണ് ചികില്സയില് ഉണ്ടായിരുന്നത്. ഇവര്ക്കു നല്കിയ നാലിനം മരുന്നുകള് ഇനി മറ്റു രോഗികള്ക്കും നല്കരുതെന്ന് ഡോക്ടര്മാര് നിര്ദേശം നല്കി. സംഭവം സംബന്ധിച്ച് അന്വേഷിക്കുന്നതിന് മെഡിസിന് വിഭാഗം എച്ച്ഒഡി ജില്സ് ജോര്ജ്, ഡെപ്യൂട്ടി സൂപ്രണ്ട് പീറ്റര് വാഴയില്, ഫാര്മക്കോളജിസ്റ്റ് ഡോ. വീണ ശ്രീ, സ്റ്റോര് സൂപ്രണ്ട് കൃഷ്ണന് എന്നിവരടങ്ങുന്ന സംഘത്തെ അന്വേഷിച്ച് റിപ്പോര്ട്ട് നല്കാന് മെഡിക്കല് കോളജ് അധികൃതര് ചുമതലപ്പെടുത്തിയിരിക്കുകയാണ്.
Next Story
RELATED STORIES
ബ്ലാസ്റ്റേഴ്സില് ഇവാന് വുകോമനോവിച്ച് യുഗം അവസാനിച്ചു
26 April 2024 2:53 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTസംസ്ഥാനത്ത് പലയിടത്തും വോട്ടിങ് മന്ദഗതിയിലെന്ന് ആക്ഷേപം; പോളിങ്...
26 April 2024 12:36 PM GMTവോട്ട് ചെയ്യുക എന്നത് ഓരോ പൗരന്റെയും അവകാശവും കടമയുമാണെന്ന് നടന്...
26 April 2024 11:33 AM GMT