ആണവറിയാക്ടറുകള്‍ പൂട്ടാന്‍ ഉത്തരവിട്ട് ജപ്പാന്‍ കോടതി

ടോക്കിയോ: പശ്ചിമ ജപ്പാനിലെ കാന്‍സായി ഇലക്‌ട്രോണിക് പവറിന്റ കീഴിലുള്ള തകഹാമയിലെ ഇരട്ട ആണവ റിയാക്ടറുകള്‍ അടച്ചുപൂട്ടാന്‍ കോടതി ഉത്തരവ്. നിലയം സുരക്ഷാഭീഷണി ഉയര്‍ത്തുന്നുവെന്നു ചൂണ്ടിക്കാട്ടി പ്രദേശവാസികള്‍ സമര്‍പ്പിച്ച ഹരജിയിലാണ് ഓത്സു ജില്ലാകോടതിയുടെ ഉത്തരവ്. ഭൂകമ്പത്തെയും സുനാമിയെയും തുടര്‍ന്ന് ഫുക്കുഷിമ ആണവനിലയത്തിലുണ്ടായ ദുരന്തത്തിന്റെ അഞ്ചാം വാര്‍ഷികം ആചരിക്കാനിരിക്കെയാണ് ഉത്തരവ്.