വിദ്യാര്ഥിക്ക് എസ്ഐയുടെ മര്ദനം : ഡിജിപി റിപോര്ട്ട് ആവശ്യപ്പെട്ടു
BY fousiya sidheek29 Oct 2017 2:55 AM GMT
fousiya sidheek29 Oct 2017 2:55 AM GMT
കോഴിക്കോട്: മെഡിക്കല് കോളജ് എസ്ഐ വിദ്യാര്ഥിയെ മര്ദിച്ച സംഭവത്തില് സംസ്ഥാന പോലിസ് മേധാവി കണ്ണൂര് റേഞ്ച് ഐജിയോട് റിപോര്ട്ട് ആവശ്യപ്പെട്ടു. എരഞ്ഞിപ്പാലത്ത് എസ്ഐയും ഒരു സ്ത്രീയും ഇടവഴിയില് നിന്നു സംസാരിക്കുന്നത് കണ്ട് ചോദ്യം ചെയ്ത വിദ്യാര്ഥിയെ മെഡിക്കല് കോളജ് എസ്ഐ ഹബീബുല്ല മര്ദിച്ചുവെന്നാണ് ആരോപണം. ഇതുസംബന്ധിച്ച് വിദ്യാര്ഥിയുടെ സഹോദരന് നടക്കാവ് പോലിസില് പരാതി നല്കിയിട്ടുണ്ട്. ഇതേ തുടര്ന്നാണ് പോലിസ് മേധാവി ഐജിയോട് റിപോര്ട്ട് ആവശ്യപ്പെട്ടിട്ടുള്ളത്. പരാതിയിന്മേല് തുടര്നടപടി സ്വീകരിക്കുന്നതിന് കോടതിയുടെ അനുമതി വേണമെന്നതിനാല് കോഴിക്കോട് നാലാം കോടതിയില് നടക്കാവ് പോലിസ് ഇതുസംബന്ധിച്ച് അപേക്ഷ സമര്പ്പിച്ചിട്ടുണ്ട്. എരഞ്ഞിപ്പാലത്തെ ഒരു വനിതാ ഹോസ്റ്റലില് താമസിക്കുന്ന പ്രതിശ്രുതവധുവിനെ രാത്രിയില് കാണാനെത്തിയതായിരുന്നു എസ്ഐ. ഇരുവരും ഇടവഴിയില് സംസാരിച്ചുനില്ക്കുന്നതിനിടയിലാണ് പരിസരവാസികള് വിവരം തിരക്കിയത്. ഇതില് ക്ഷുഭിതനായ എസ്ഐ വിദ്യാര്ഥിയെ മര്ദിക്കുകയായിരുന്നുവെന്നാണ് പരിസരവാസികളുടെ ആരോപണം. കോഴിക്കോട് എരഞ്ഞിപ്പാലത്തെ വനിതാ ഹോസ്റ്റലിനു സമീപം താമസിക്കുന്ന പുരുഷോത്തമന്റെ മകന് അജയിനാണ് മര്ദനമേറ്റത്. ഇയാള് ബീച്ച് ആശുപത്രിയില് ചികില്സയിലാണ്.
Next Story
RELATED STORIES
അമേരിക്കയിൽ ഇലക്ട്രിക് കാർ മരത്തിലിടിച്ച് കത്തി മലയാളി കുടുംബത്തിലെ...
26 April 2024 7:59 PM GMTബ്ലാസ്റ്റേഴ്സില് ഇവാന് വുകോമനോവിച്ച് യുഗം അവസാനിച്ചു
26 April 2024 2:53 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTസംസ്ഥാനത്ത് പലയിടത്തും വോട്ടിങ് മന്ദഗതിയിലെന്ന് ആക്ഷേപം; പോളിങ്...
26 April 2024 12:36 PM GMT