വനത്തില്‍ ഒറ്റപ്പെട്ട് ആദിവാസി കുടുംബം;' രാപകല്‍ ഭേദമന്യെ വന്യമൃഗശല്യം

സുല്‍ത്താന്‍ ബത്തേരി: വനാന്തര ഗ്രാമത്തില്‍ ഒറ്റപ്പെട്ട് ആദിവാസി കുടുംബം. കാട്ടുനായ്ക്ക വിഭാഗത്തില്‍പ്പെട്ട മാരനും കുടുംബവുമാണ് നാലു വശവും വനത്താല്‍ ചുറ്റപ്പെട്ടുകിടക്കുന്ന പുത്തൂരില്‍ താമസിക്കുന്നത്. പകല്‍ സമയങ്ങളില്‍ പോലും കാട്ടാനയടക്കമുള്ള വന്യമൃഗങ്ങള്‍ വിഹരിക്കുന്ന ഇവിടെ കുട്ടിയെ പോലും പുറത്തിറക്കാന്‍ ഭയക്കുകയാണ് ഈ കുടുംബം. ജനവാസകേന്ദ്രത്തില്‍ നിന്നു നാലു കിലോമീറ്റര്‍ അകലെ വനത്തിനുള്ളിലാണ് അഞ്ചംഗ കുടുംബം കഴിയുന്നത്.
മാരന്റെ മകന്‍ വിജയന്‍, ഭാര്യ അശ്വതി, മകള്‍ വിജന്യ, വിജയന്റെ സഹോദരി സിന്ധു എന്നിവരാണ് ജീവന്‍ പണയംവച്ച് ഇവിടെ കഴിഞ്ഞുകൂടുന്നത്.
മുമ്പ് ഇവിടെ നിരവധി കുടുംബങ്ങളുണ്ടായിരുന്നെങ്കിലും രൂക്ഷമായ വന്യമൃഗശല്യം കാരണം വീടും കൃഷിയിടങ്ങളും ഉപേക്ഷിച്ച് പോവുകയായിരുന്നു.