വടക്കുംതലയില് എല്ഡിഎഫ് സ്ഥാനാര്ഥിയുടെ വീടിനുനേരെ അക്രമണം
BY Sumeera SMR5 Nov 2015 4:46 AM GMT
Sumeera SMR5 Nov 2015 4:46 AM GMT
ചവറ: വടക്കും തലയില് എല്ഡിഎഫ് സ്ഥാനാര്ഥിയുടെ വീടിനുനേരെ അക്രമണം നടന്നു. ഇന്നലെ രാത്രിയില് എല്ഡിഎഫ് സ്ഥാനാര്ഥിയുടെ വീടിനുനേരെ ബൈക്കിലെത്തിയ ഒരുസംഘം അക്രമണം നടത്തി. വടക്കുംതല വെറ്റമുക്ക് വാര്ഡിലെ എല്ഡിഎഫ് സ്ഥാനാര്ഥിയും സിപിഎം ഏരിയാ കമ്മിറ്റിയംഗവുമായ ജെ അനിലിന്റെ വീടിനുനേരെയായിരുന്നു അക്രമണം നടന്നത്. അക്രമണത്തില് വീടിന്റെ ചില്ലുകള് തകര്ന്നു. വീടിന്റെ സമീപത്തിരുന്ന ബൈക്ക് ഭാഗികമായി കത്തിക്കുകയും പുരയിടത്തിലെ വാഴകള് ഉള്പ്പടെയുള്ള കൃഷി സാധനങ്ങള് വെട്ടി നശിപ്പിക്കുകയും ചെയ്തു. ഇതില് പ്രതിഷേധിച്ച് എല്ഡിഎഫ് പ്രവര്ത്തകര് രാവിലെ വെറ്റമുക്കില് പ്രകടനം നടത്തി. തുടര്ന്ന് പ്രകടനത്തിന്റെ സമാപന സ്ഥലത്തിന് സമീപത്തുകൂടി പോകാന് വന്ന യുഡിഎഫ് പ്രകടനം പോലിസ് തടഞ്ഞു. ഇടത്-വലത് മുന്നണി പ്രവര്ത്തകര് മുഖാമുഖം നിന്ന് പോര്വിളികള് നടത്തിയെങ്കിലും കരുനാഗപ്പള്ളി എസിപി യുഡിഎഫ് നേതാക്കളുമായി സംസാരിച്ച് പ്രകടനം നിര്ത്തിവെയ്പ്പിക്കുകയായിരുന്നു. പക്ഷാപാതപരമായി പെരുമാറിയ ചവറ എസ്ഐയ്ക്കെതിരെയുള്ള പരാതിയിന്മേല് നടപടി കൈകൊള്ളാമെന്ന് എസിപി ഉറപ്പ് നല്കിയതിനെ തുടര്ന്ന് യുഡിഎഫ് നേതാക്കള് ഇടപെട്ട് പ്രവര്ത്തകരെ സമാധാനപരമായി പിരിച്ചുവിടുകയായിരുന്നു. അക്രമത്തിനെതിരേ എല്ഡിഎഫ് സ്ഥാനാര്ഥി അനില് പോലിസില് പരാതി നല്കി. സംഭവവുമായി ബന്ധപ്പെട്ട് ഏഴുപേര്ക്കെതിരെ കേസെടുത്തു.
Next Story
RELATED STORIES
സമസ്ത തൃശൂര് ജില്ലാ ജനറല് സെക്രട്ടറി പി ടി കുഞ്ഞുമുഹമ്മദ് മുസ്...
26 April 2024 3:37 AM GMTകേരളം ബൂത്തില്; ആദ്യ മണിക്കൂറുകളില് മികച്ച പോളിങ്
26 April 2024 3:23 AM GMTരാജ്യത്തിന്റെ വീണ്ടെടുപ്പിന് സ്ത്രീകള് വോട്ട് ചെയ്യണം: സുനിത നിസാര്
25 April 2024 6:45 PM GMTകിറ്റിനു പിന്നാലെ വസ്ത്രശേഖരവും; ബിജെപി വിതരണത്തിനെത്തിച്ചതെന്ന്...
25 April 2024 5:48 PM GMTഅഞ്ചുവര്ഷത്തിനിടെ ബെംഗളൂരു സൗത്തിലെ ബിജെപി എംപിയുടെ സ്വത്ത്...
25 April 2024 5:41 PM GMTരാഹുല് ഗാന്ധിക്കെതിരായ അധിക്ഷേപ പരാമര്ശം; പി വി അന്വര്...
25 April 2024 5:17 PM GMT