റോഡിസിന്റെ പ്രതിമ നീക്കം ചെയ്യാനാവില്ലെന്ന് ഓക്‌സ്ഫഡ്

ലണ്ടന്‍: 19ാം നൂറ്റാണ്ടിലെ ബ്രിട്ടിഷ് വ്യവസായപ്രമുഖനും രാഷ്ട്രീയ നേതാവുമായിരുന്ന സെസില്‍ റോഡിസിന്റെ പ്രതിമ സര്‍വകലാശാലയില്‍ നിന്നു നീക്കംചെയ്യണമെന്ന ആവശ്യം ഓക്‌സ്ഫഡ് സര്‍വകലാശാലാ അധികൃതര്‍ തള്ളി. പ്രതിമ നീക്കംചെയ്യാനാവശ്യപ്പെട്ട് പ്രതിഷേധങ്ങള്‍ നടക്കുന്നതിനിടെയാണ് സര്‍വകലാശാലയുടെ നടപടി. സര്‍വകലാശാലയുടെ നടപടിക്കെതിരേ പ്രതിഷേധക്കാര്‍ വിമര്‍ശനമുന്നയിച്ചു. കഴിഞ്ഞ വര്‍ഷം ദക്ഷിണാഫ്രിക്കയിലെ കേപ്ടൗണ്‍ സര്‍വകലാശാല റോഡിസിന്റെ പ്രതിമ നീക്കംചെയ്തിരുന്നു. ഇതിനെത്തുടര്‍ന്നാണ് ഇതേ ആവശ്യത്തിനായി ഓക്‌സ്ഫഡിലും പ്രചാരണം ശക്തമായത്.