റോഡിലെ ഗട്ടറുകള്‍ നികത്തുവാന്‍ നടപടികളില്ലെന്നാക്ഷേപം

പത്തനാപുരം: പുനലൂര്‍-പത്തനാപുരം-മൂവാറ്റുപുഴ സംസ്ഥാന ഹൈവേയില്‍ മുക്കടവ് പാലത്തിലെയും പുനലൂര്‍ വരെയും ഉള്ള  ഗട്ടറുകള്‍ നികത്തുവാന്‍ നടപടികളില്ലെന്നാക്ഷേപം. പത്തനാപുരം  മേഖലയിലെ എല്ലാ റോഡുകളും ശബരിമല സീസണ്‍ പ്രമാണിച്ച് ഗതാഗത യോഗ്യമാക്കിയെങ്കിലും മുക്കടവ് പാലവും പരിസര ഭാഗങ്ങളുമാണ് ഗതാഗത യോഗ്യമാക്കുവാന്‍ നടപടികളില്ലാത്തത്. പുനലൂര്‍-പത്തനാപുരം റോഡില്‍ ടിബി ജങ്ഷന്‍ മുതല്‍ മുക്കടവ് ജങഷന്‍ വരെയുള്ള നാല് കിലോമീറ്റര്‍ റോഡ് കുണ്ടും കുഴിയുമായി തകര്‍ന്ന് കിടക്കുകയാണ്. ദിനംപ്രതി ആയിരക്കണക്കിന് വാഹനങ്ങള്‍ കടന്ന്  പോകുന്ന  സംസ്ഥാന പാതയാണ് തകര്‍ന്ന്  കിടക്കുന്നത്. അടിയന്ത രമായി റോഡ് ഗതാഗതയോഗ്യമാക്കണമെന്ന് ആവശ്യമുയര്‍ന്നിട്ടുണ്ട്.