റമ്പൂട്ടാന്റെ കുരു തൊണ്ടയില്‍ കുടുങ്ങി എട്ടുമാസം പ്രായമായ കുട്ടി മരിച്ചു

ചെങ്ങന്നൂര്‍: റമ്പൂട്ടാന്റെ കുരു തൊണ്ടയില്‍ കുടുങ്ങി എട്ടുമാസം പ്രായമായ കുട്ടി മരിച്ചു. കല്ലിശ്ശേരി വാലിയില്‍ വീട്ടില്‍ ലിന്‍സന്റെയും പ്രെറ്റിയുടെയും മകള്‍ ലിയാന്‍ ആണ് മരിച്ചത്. ഇന്നലെ ഉച്ചയോടെയാണ് സംഭവം. റമ്പൂട്ടാന്‍ കുട്ടിക്ക് കൊടുക്കുന്നതിനിടയില്‍ കുരുവും വായിലേക്ക് വീഴുകയായിരുന്നു. കുട്ടിയുടെ തൊണ്ടയില്‍ കുരു കുടുങ്ങിയതോടെ മാതാവ് ബഹളം വച്ചതിനെ തുടര്‍ന്ന് ബന്ധുക്കളും മറ്റുമെത്തി ആശുപത്രിയിലെത്തിച്ചെങ്കിലും രക്ഷിക്കാനായില്ല. പിതാവ് ലിന്‍സണ്‍ കുവൈത്തിലാണ്.