റമദാന്‍ അവസാന പത്തിലെ പ്രാര്‍ഥന

നരകവിമോചനത്തിന്റെയും സ്വര്‍ഗ പ്രവേശത്തിന്റെയും രാപ്പകലുകളാണ് റമദാനിലെ അവസാന പത്തു ദിനരാത്രങ്ങള്‍. ദിക്‌റും ദുആയും ഖുര്‍ആന്‍ പാരായണവും ഓരോ വീട്ടിലും നിറയുന്ന നാളുകള്‍. റഹ്മത്തിന്റെ മലക്കുകള്‍ നന്മചെയ്യുന്ന മനുഷ്യനെ പൊതിയുന്ന ദിവസങ്ങള്‍!
പ്രവാചകന്‍ മുഹമ്മദ് നബി അവസാന പത്തില്‍ ഈ പ്രാര്‍ഥന കൂടുതലായി ചൊല്ലാനാണ് നിര്‍ദേശിച്ചത്:
അല്ലാഹുമ്മ ഇന്നക അഫ്‌വുന്‍, തുഹിബ്ബുല്‍ അഫ്‌വ ഫഅ്ഫുഅന്നീ
(അല്ലാഹുവേ, നീയാണ് വിട്ടുവീഴ്ച ചെയ്യുന്നവന്‍. വിട്ടുവീഴ്ച ചെയ്യുന്നത് നീ ഇഷ്ടപ്പെടുന്നു. അതിനാല്‍ എന്നോട് വിട്ടുവീഴ്ച ചെയ്യണേ)!

മറ്റൊരു പ്രാര്‍ഥന ഇതാണ്:
അസ്തഗ്ഫിറുല്ലാഹ റബ്ബീ മിന്‍ കുല്ലി ദന്‍ബിന്‍ വ അതൂബു ഇലയ്ഹി
(എന്റെ നാഥനായ അല്ലാഹുവോട് ഞാന്‍ എല്ലാ പാപങ്ങളില്‍ നിന്നും മോചനം തേടുന്നു. അവങ്കലേക്ക് ഞാന്‍ പശ്ചാത്തപിച്ചു മടങ്ങുകയും ചെയ്യുന്നു).

അല്ലാഹുമ്മ അജിര്‍നീ മിനന്നാര്‍
(അല്ലാഹുവേ നരകത്തില്‍നിന്ന് എന്നെ രക്ഷിക്കണേ)

അസ്തഗ്ഫിറുല്ലാഹ് വ അസ്അലുകല്‍ ജന്നത വ അഊദു ബിക മിനന്നാര്‍
(അല്ലാഹുവേ ഞാന്‍ നിന്നോട് പാപമോചനം തേടുന്നു, സ്വര്‍ഗം തേടുന്നു, നരകത്തില്‍നിന്ന് രക്ഷ തേടുകയും ചെയ്യുന്നു)
തുടങ്ങിയ പ്രാര്‍ഥനകളും പ്രാര്‍ഥിക്കാം.

- അബൂ മിശ്അല്‍