മഴയില് മലയോര മേഖലയില് വ്യാപകനാശം
BY Sumeera SMR14 Nov 2015 4:13 AM GMT
Sumeera SMR14 Nov 2015 4:13 AM GMT
നെടുമങ്ങാട്/പാലോട്: മണിക്കൂറുകളോളം നീണ്ട ശക്തമായ മഴയില് നെടുമങ്ങാട് മേഖലയില് വ്യാപക നാശം. താഴ്ന്ന പ്രദേശങ്ങള് പൂര്ണമായും വെള്ളത്തിനടിയിലായി. തേക്കടയിലും ചുള്ളിമാനൂരിലും മരം കടപുഴകി. വാഹനങ്ങള്ക്ക് കേടുപാടുകള് സംഭവിച്ചു. ആര്ക്കും പരിക്കില്ല. പഴകുറ്റി - വെമ്പായം റോഡില് തേക്കടയ്ക്ക് സമീപം റോഡില് വെള്ളക്കെട്ട് രൂപപ്പെട്ടത് ഗതാഗതം തടസ്സപ്പെട്ടു. പനവൂര് കല്ലിയോട് തോട്ടിലെ നീരൊഴുക്ക് തടസ്സപ്പെട്ടതിനാല് വെള്ളം റോഡിലൂടെ ഒഴുകിയത് യാത്രക്കാരെ ദുരിതത്തിലാക്കി. സമീപ പ്രദേശങ്ങളിലും വീടുകളിലും വെള്ളം കയറി നാശം സംഭവിച്ചു. കിള്ളിയാറില് ജലനിരപ്പുയര്ന്നത് സമീപവാസികളെ ആശങ്കയിലാക്കിയിട്ടുണ്ട്. മലയോര ഗ്രാമങ്ങള് ശക്തമായ മഴയില് വിറങ്ങലിച്ച അവസ്ഥയിലാണ്. പാലോട്, പെരിങ്ങമ്മല, നന്ദിയോട് മേഖലകളില് വ്യാപകമായി കൃഷി നശിച്ചു. മിക്ക സ്ഥലങ്ങളിലും വൈദ്യുതി ബന്ധം താറുമാറായിരിക്കുകയാണ്. മരങ്ങള് ഒടിഞ്ഞ് വീണ് ഉള്പ്രദേശങ്ങളില് ഗതാഗതം തടസ്സപ്പെട്ടു. വാമനപുരം നദി, കൈതോടുകള് കരകവിഞ്ഞൊഴുകുകയാണ്. ഇത് ഈ മേഖലയിലുള്ളവരെ ഭീതിയിലാഴ്ത്തിയിരിക്കുകയാണ്. ചില മേഖലകളില് മണ്ണൊലിച്ച് പോയതായും റിപോര്ട്ടുണ്ട്.
Next Story
RELATED STORIES
കിറ്റിനു പിന്നാലെ വസ്ത്രശേഖരവും; ബിജെപി വിതരണത്തിനെത്തിച്ചതെന്ന്...
25 April 2024 5:48 PM GMTഅഞ്ചുവര്ഷത്തിനിടെ ബെംഗളൂരു സൗത്തിലെ ബിജെപി എംപിയുടെ സ്വത്ത്...
25 April 2024 5:41 PM GMTരാഹുല് ഗാന്ധിക്കെതിരായ അധിക്ഷേപ പരാമര്ശം; പി വി അന്വര്...
25 April 2024 5:17 PM GMTമുഴുസമയ വെബ് കാസ്റ്റിങ്, കള്ളവോട്ട് തടയാന് കണ്ണൂരില് കനത്ത സുരക്ഷ
25 April 2024 5:11 PM GMTഒമാനില് വാഹനാപകടം: രണ്ട് മലയാളികള് ഉള്പ്പെടെ മൂന്ന് നഴ്സുമാര്...
25 April 2024 4:42 PM GMTപരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMT