ബീച്ചില്‍ തിരയില്‍പ്പെട്ട് യുവാവിനെ കാണാതായി

കൊല്ലം :  കൊല്ലം ബീച്ചില്‍ തിരയില്‍പ്പെട്ട് യുവാവിനെ കാണാതായി. ഇന്നലെ രാത്രിയിലാണ് സംഭവം . കുണ്ടറ ചെറുമൂട് സ്വദേശി ആനന്ദന്റെ മകന്‍ അജിത് (25) നെയാണ് കാണാതായത്.  ഇയാള്‍ക്കൊപ്പം കടലിലിറങ്ങിയ രണ്ടു പേര്‍ നീന്തി രക്ഷപ്പെട്ടെങ്കിലും അജിത്തിനെ തിരയില്‍പ്പെട്ട്് കാണാതാവുകയായിരുന്നു. ഇയാള്‍ക്കായി തിരച്ചില്‍ നടന്നു വരികയാണ്. കോസ്റ്റല്‍ പോലീസിനേയും മറൈന്‍ എന്‍ഫോഴ്‌സ്‌മെന്റിനേയും വിവരം അറിയിച്ചിട്ടുണ്ടെന്ന് തഹസില്‍ദാര്‍ അറിയിച്ചു.