ദേശീയപാതയിലെ സുരക്ഷ: 8.01 കോടിയുടെ പദ്ധതി സമര്പ്പിച്ചു
BY Sumeera SMR5 Dec 2015 4:27 AM GMT
Sumeera SMR5 Dec 2015 4:27 AM GMT
ആലപ്പുഴ: ജില്ലയിലെ ദേശീയപാതയില് അപകടങ്ങള് കുറയ്ക്കുന്നതിനും ഗതാഗത സുരക്ഷയ്ക്കുമായി കേന്ദ്ര ഗതാഗതമന്ത്രാലയത്തിനു സമര്പ്പിക്കാന് 8.01 കോടി രൂപയുടെ പദ്ധതി തയാറാക്കി ദേശീയപാതാ വിഭാഗം ചീഫ് എന്ജിനീയര്ക്കു സമര്പ്പിച്ചതായി ജില്ലാ കലക്ടര് എന് പത്മകുമാര് അറിയിച്ചു. ഇത് ഉടന് മന്ത്രാലയത്തിനു സമര്പ്പിക്കും.ദേശീയപാത 66ല് (പഴയ എന്എച്ച് 47) അരൂര് മുതല് കായംകുളം കൃഷ്ണപുരം വരെയുള്ള ഭാഗത്തെ റോഡരികിലെ നടപ്പാതയുമായുള്ള പൊക്കവ്യത്യാസം പരിഹരിക്കുക, അപകടസൂചനാ ബോര്ഡുകളും ദിശാ സൂചകങ്ങളും സ്ഥാപിക്കുക, സിഗ്നല് ലൈറ്റുകള് സ്ഥാപിക്കുക എന്നിവയടക്കം സുപ്രധാന നടപടികളാണ് പദ്ധതിയില് ഉള്ക്കൊള്ളിച്ചിരിക്കുന്നത്. ദേശീയപാതയിലെ പ്രധാന ജങ്ഷനുകളില് ടൈല് പാകുന്നതിനും പദ്ധതിയുണ്ട്. കെ സി വേണുഗോപാല് എംപി, ദേശീയപാതാ വിഭാഗം ചീഫ് എന്ജിനീയര് എന്നിവരുടെ സാന്നിധ്യത്തില് ചേര്ന്ന റോഡ് സുരക്ഷാ അതോറിറ്റി യോഗത്തിലെ തീരുമാനപ്രകാരമാണ് പദ്ധതി തയ്യാറാക്കിയത്. കേന്ദ്ര ഗതാഗത മന്ത്രാലയത്തിന്റെ പ്രത്യേക റോഡ് സുരക്ഷാ പദ്ധതിയില് ഉള്ക്കൊള്ളിച്ച് നടപ്പാക്കുന്നതിനായി പൊതുമരാമത്ത് ദേശീയപാത വിഭാഗമാണ് പദ്ധതിയുടെ എസ്റ്റിമേറ്റ് തയ്യാറാക്കിയത്.
Next Story
RELATED STORIES
അമേരിക്കയിൽ ഇലക്ട്രിക് കാർ മരത്തിലിടിച്ച് കത്തി മലയാളി കുടുംബത്തിലെ...
26 April 2024 7:59 PM GMTബ്ലാസ്റ്റേഴ്സില് ഇവാന് വുകോമനോവിച്ച് യുഗം അവസാനിച്ചു
26 April 2024 2:53 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTസംസ്ഥാനത്ത് പലയിടത്തും വോട്ടിങ് മന്ദഗതിയിലെന്ന് ആക്ഷേപം; പോളിങ്...
26 April 2024 12:36 PM GMT