ജില്ലയോടുള്ള സര്‍ക്കാര്‍ അവഗണനയ്‌ക്കെതിരേ കോണ്‍ഗ്രസ് ധര്‍ണ നടത്തി

വിദ്യാനഗര്‍: പ്രഭാകരന്‍ കമ്മിഷന്‍ പാക്കേജിന് ഫണ്ട് അനുവദിക്കുക, എന്‍ഡോസള്‍ഫാന്‍ ദുരിതബാധിതരോട് നീതി പാലിക്കുക, കാസര്‍കോട് മെഡിക്കല്‍ കോളജിന്റെ നിര്‍മാണ പ്രവര്‍ത്തനം ത്വരിതപ്പെടുത്തുക തുടങ്ങിയ ആവശ്യങ്ങള്‍ ഉന്നയിച്ച് ജില്ലാ കോണ്‍ഗ്രസ് കമ്മിറ്റിയുടെ നേതൃത്വത്തില്‍ കലക്്ടറേറ്റ് ധര്‍ണ നടത്തി.
കെപിസിസി രാഷ്ട്രീയകാര്യ സമിതി അംഗം ബെന്നി ബഹനാന്‍ ഉദ്ഘാടനം ചെയ്തു. ഡിസിസി പ്രസിഡന്റ്് ഹക്കീം കുന്നില്‍ അധ്യക്ഷത വഹിച്ചു. കെപിസിസി ജനറല്‍സെക്രട്ടറി കെ പി കുഞ്ഞിക്കണ്ണന്‍, സെക്രട്ടറി കെ നീലകണ്ഠന്‍, ജില്ലാ പഞ്ചായത്ത് പ്രസിഡന്റ്് എ ജി സി ബഷീര്‍, പി എ അഷറഫലി, പി ഗംഗാധരന്‍ നായര്‍, ശാന്തമ്മ ഫിലിപ്പ്, കെ വി ഗംഗാധരന്‍, ബാലകൃഷ്ണ വോര്‍കുഡ്‌ലു, എ ഗോവിന്ദന്‍ നായര്‍, പി കെ ഫൈസല്‍, പി ജി ദേവ്, അഡ്വ. എ ഗോവിന്ദന്‍ നായര്‍, എം സി പ്രഭാകരന്‍, സി വി ജെയിംസ്, പി വി സുരേഷ്, വിനോദ്കുമാര്‍ പള്ളയില്‍ വീട്, മാമുനി വിജയന്‍, കെ പി പ്രകാശന്‍, സുന്ദര ആരിക്കാടി, എം അസിനാര്‍, സെബാസ്റ്റ്യന്‍ പതാലില്‍, ടോമി പ്ലാച്ചേരി, കെ ഖാലിദ്, കെ വാരിജാക്ഷന്‍, പി കുഞ്ഞിക്കണ്ണന്‍, എ സി ജോസ്, എം രാധാകൃഷ്ണന്‍, ഡി വി ബാലകൃഷ്ണന്‍, ബാബു കദളിമറ്റം, കരിച്ചേരി നാരായണന്‍ മാസ്റ്റര്‍, സാജിദ് മൊവ്വല്‍, പത്മരാജന്‍ ഐങ്ങോത്ത്, എം കുഞ്ഞമ്പു നമ്പ്യാര്‍, ഹരീഷ് പി നായര്‍ സംസാരിച്ചു.