ജനകീയസമരം ജയിച്ചു; മധുമല മദ്യശാല പൂട്ടി
BY fousiya sidheek7 Jun 2017 6:53 AM GMT
fousiya sidheek7 Jun 2017 6:53 AM GMT
പത്തനംതിട്ട: ജനകീയ സമരത്തെ തുടര്ന്ന് മധുമലയിലെ മദ്യശാല അടയ്ക്കാന് എക്സൈസ് നിര്ദേശിച്ചു. ജനങ്ങള് എതിര്ക്കുന്നതിനാല് മദ്യശാല അടയ്ക്കാന് നിര്ദേശിക്കുകയായിരുന്നുവെന്ന് ഡെപ്യൂട്ടി എക്സൈസ് കമ്മീഷണര് അറിയിച്ചു. എട്ട് ദിവസമായി നാട്ടുകാര് സമരത്തിലായിരുന്നു. ഇലന്തൂര്, നാരങ്ങാനം പഞ്ചായത്തുകളുടെ അതിര്ത്തിയിലാണ് മധുമല. മധുമല മലനടയ്ക്കും തൊട്ടടുത്താണ് ബിവ്കോ മദ്യശാല തുറന്നത്. കഴിഞ്ഞ ദിവസം മദ്യവുമായി ലോറി എത്തിയിരുന്നു. സിമന്റ് കട്ട നിര്മാണ യൂനിറ്റ് പ്രവര്ത്തിച്ചിരുന്ന ഷെഡില് തുടങ്ങിയ മദ്യവില്പന കേന്ദ്രത്തിലേക്ക് മദ്യം കടത്തുന്നത് സ്ത്രീകള് തടഞ്ഞു. ലോറി റോഡില് തന്നെ കിടക്കുകയായിരുന്നു. ഇതിനിടെ രാത്രി കുറച്ച് മദ്യക്കുപ്പികള് ഉള്ളില് എത്തിച്ച് പിറ്റേന്ന് കുറച്ചുസമയം വില്പനയും നടത്തി. ഇതോടെ ജനരോഷം ശക്തമായി. തിങ്കളാഴ്ച പോലിസ് അകമ്പടിയോടെ മദ്യലോറി അകത്ത് കടത്താന് ശ്രമിച്ചു. നാട്ടുകാര് ഇതും തടഞ്ഞു. സ്ഥലത്ത് സംഘര്ഷസാധ്യത ശക്തമായതോടെ സര്ക്കാര് തന്നെ ഇടപെട്ട് മദ്യശാല മാറ്റാന് നിര്ദേശിക്കുകയായിരുന്നു. ലോറിയും കൊണ്ടുപോയി. മദ്യശാലയ്ക്ക് എതിരേ ബ്ലോക്ക് പഞ്ചായത്ത് പ്രസിഡന്റ് എം ബി സത്യനും പഞ്ചായത്ത് അംഗങ്ങളും പരാതി നല്കിയിരുന്നു. പരിസരവാസിയായ കേണല് രാധാകൃഷ്ണന് നായര് പ്രതിരോധമന്ത്രാലയത്തിനും മുഖ്യമന്ത്രിക്കും പരാതി നല്കിയിരുന്നു.
Next Story
RELATED STORIES
സംസ്ഥാനത്ത് പലയിടത്തും വോട്ടിങ് മന്ദഗതിയിലെന്ന് ആക്ഷേപം; പോളിങ്...
26 April 2024 12:36 PM GMTമുഴുവന് വിവിപാറ്റും എണ്ണണമെന്ന ഹരജികളെല്ലാം സുപ്രിംകോടതി തള്ളി
26 April 2024 6:07 AM GMTഫ്രീലാന്സ് ജോലികളുടെ കാലം
20 April 2024 7:03 AM GMTകണ്ണൂരിൽ ബോംബ് സ്ഫോടനത്തിൽ പരിക്കേറ്റ സിപിഎം പ്രവര്ത്തകൻ മരിച്ചു;...
5 April 2024 8:53 AM GMTറിയാസ് മൗലവി കൊലക്കേസ്: ആര്എസ്എസ്സുകാരായ മൂന്ന് പ്രതികളെയും കോടതി...
30 March 2024 6:06 AM GMTഒമ്പത് പോപുലര് ഫ്രണ്ട് മുന് പ്രവര്ത്തകര്ക്ക് ജാമ്യം; എന്ഐഎയ്ക്ക്...
21 March 2024 6:30 AM GMT