ഗുരുവായൂരില് ശീവേലിക്കിടെ ആനയുടെ കുത്തേറ്റ് മരിച്ച രണ്ടാംപാപ്പാന് വിട
BY kasim kzm12 Dec 2017 3:30 AM GMT
kasim kzm12 Dec 2017 3:30 AM GMT
ഗുരുവായൂര്: ഗുരുവായൂര് ക്ഷേത്രത്തില് ശീവേലിക്കിടെ ഇടഞ്ഞകൊമ്പന് ശ്രീകൃഷ്ണന്റെ കുത്തേറ്റുമരിച്ച രണ്ടാംപാപ്പാന് സുഭാഷിന് (34) സഹപ്രവര്ത്തകരും നാട്ടുകാരം യാത്രാമൊഴിയേകി. ഇന്നലെ രാവിലെ തൃശ്ശൂര് മെഡിക്കല് കോളജില് നിന്നും പോസ്റ്റ്മോര്ട്ടത്തിന് ശേഷം രാവിലെ 11.45 ഓടെ ആനകോട്ടയില് പൊതുദര്ശനത്തിനുവെച്ച മൃതദേഹത്തില് ഗുരുവായൂര് എംഎല്എ കെ വി അബ്ദുള്ഖാദര്, ആനതൊഴിലാളി യൂനിയന് സംസ്ഥാന സെക്രട്ടറി ബാബു എം പാലിശ്ശേരി, ദേവസ്വം ജീവനക്കാര്ക്കുവേണ്ടി ഭരണസമിതി അംഗം കെ കുഞ്ഞുണ്ണി, ദേവസ്വം കമ്മീഷണര്ക്കുവേണ്ടി ഗുരുവായൂര് ദേവസ്വം അഡ്മിനിസ്റ്റ്രേറ്റര് എം ബി ഗിരീഷ് എന്നിവര് പുഷ്പചക്രമര്പ്പിച്ചു. ഗുരുവായൂര് നഗരസഭ ചെയര്പേഴ്സണ് പ്രഫ. പി കെ ശാന്തകുമാരി, വൈസ്ചെയര്മാന് കെ പി വിനോദ്, സിപിഎം ചാവക്കാട് ഏരിയാസെക്രട്ടറി എം കൃഷ്ണദാസ്, കുന്ദംകുളം നഗരസഭ വൈസ് ചെയര്മാന് പി എം സുരേഷ്, കുന്ദംകുളം നഗരസഭ മുന് ചെയര്മാന് പി ജി ജയപ്രകാശ്, മാധ്യമപ്രവര്ത്തക ര്, നാട്ടുകാര്, ദേവസ്വം ജീവനക്കാര് തുടങ്ങി നാനാതുറയിലുള്ളവര് അന്ത്യോപചാരമര്പ്പിച്ചു. പൊതുദര്ശനത്തിനു ശേഷം മൃതദേഹം വടക്കേകോതറയിലുള്ള വീട്ടുവളപ്പില് മൃതദേഹം സംസ്ക്കരിച്ചു. ഞായറാഴ്ച്ച രാവിലെയാണ് സുഭാഷിനെ ഇടഞ്ഞ കൊമ്പന് ശ്രീകൃഷ്ണന്റെ കുത്തേറ്റത്. തൃശ്ശൂര് അമലാ ആശുപത്രിയില് അടിയന്തിര ശസ്ത്രക്രിയക്ക് വിധേയനായെങ്കിലും വൈകീട്ടോടെ സുഭാഷ് മരിക്കുകയായിരുന്നു. ഗുരുവായൂര് ദേവസ്വത്തിലെ മുന് പാപ്പാന് കോതചിറ വെളുത്തേടത്ത് പരേതനായ രാമന്നായരുടെ മകനായ സുഭാഷ്, അവിവാഹിതനാണ്. അമ്മ: നാണിക്കുട്ടിയമ്മ. സഹോദരങ്ങള്: ബാലകൃഷ്ണന്, ലത, വിജയശ്രി, രമണി, രതീഷ്. കഴിഞ്ഞ 10-വര്ഷമായി ഗുരുവായൂര് ദേവസ്വത്തിലെ ആനക്കാരനായി ജോലിചെയ്യുന്ന സുഭാഷ് രണ്ടുകൊല്ലമായി ശ്രീകൃഷ്ണന്റെ രണ്ടാം പാപ്പാനാണ്.
Next Story
RELATED STORIES
ബ്ലാസ്റ്റേഴ്സില് ഇവാന് വുകോമനോവിച്ച് യുഗം അവസാനിച്ചു
26 April 2024 2:53 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTസംസ്ഥാനത്ത് പലയിടത്തും വോട്ടിങ് മന്ദഗതിയിലെന്ന് ആക്ഷേപം; പോളിങ്...
26 April 2024 12:36 PM GMTവോട്ട് ചെയ്യുക എന്നത് ഓരോ പൗരന്റെയും അവകാശവും കടമയുമാണെന്ന് നടന്...
26 April 2024 11:33 AM GMT