കോതമംഗലത്ത് നിന്നും കാണാതായ യുവതികളില്‍ ഒരാളെ കണ്ടെത്തി

കോതമംഗലം: കോതമംഗലത്ത് നിന്ന് ശനിയാഴ്ച്ച കാണാതായ പത്തൊമ്പതുകാരികളായ രണ്ട് യുവതികളില്‍ ഒരാള്‍ കാമുകനൊപ്പം സ്‌റ്റേഷനില്‍ നേരിട്ടെത്തി ഹാജരായി.
മറ്റേ യുവതിക്കായി തിരച്ചില്‍ തുടരുന്നു. ശനിയാഴ്ച്ച രാവിലെ മുതലാണ് മാലിപ്പാറ സ്വദേശിനിയായ കംപ്യൂട്ടര്‍ വിദ്യാര്‍ഥിനിയെയും വടാട്ടുപാറ സ്വദേശിനിയായ മറ്റൊരു വിദ്യാര്‍ഥിനിയെയും കാണാതായത്. ശനിയാഴ്ച്ച വൈകീട്ടായിട്ടും യുവതികളെ കാണാത്തതിനെ തുടര്‍ന്ന് വീട്ടുകാര്‍ കോതമംഗലം പോലിസില്‍ പരാതി നല്‍കുകയായിരുന്നു.
പോലിസും വീട്ടുകാരും തിരയുന്നുണ്ടെന്ന് മനസ്സിലാക്കിയ മാലിപ്പാറ സ്വദേശിനിയായ യുവതിയും കാമുകനായ ബസ് ജീവനക്കാരനും ഞായറാഴ്ച വൈകീട്ടോടെ കോതമംഗലം പോലിസ് സ്‌റ്റേഷനില്‍ നേരിട്ടെത്തി ഹാജരായി. മാതാപിതാക്കള്‍ക്കൊപ്പം വിട്ടയച്ച പെണ്‍കുട്ടിയെ ഇന്ന് കോടതിയില്‍ ഹാജരാക്കും.
വടാട്ടുപാറ സ്വദേശിനി പത്തൊമ്പതുകാരിക്കായി പോലിസ് അന്വേഷണം ഊര്‍ജിതമാക്കിയിട്ടുണ്ട്.