കൈക്കുഞ്ഞിനെ ട്രെയിനില് ഉപേക്ഷിക്കാനുള്ള മാതാപിതാക്കളുടെ ശ്രമം തടഞ്ഞു
BY fousiya sidheek1 Jun 2017 5:09 AM GMT
fousiya sidheek1 Jun 2017 5:09 AM GMT
ചെങ്ങന്നൂര്: മുപ്പത് ദിവസം പ്രായമായ കൈക്കുഞ്ഞിനെ ട്രെയിനില് ഉപേക്ഷിക്കാന് ശ്രമിച്ച മാതാപിതാക്കളെ ആര്പിഎഫ് പിടികൂടി. അടൂര് പെരിങ്ങനാട് കല്ലമ്പള്ളില് മദനോം പുത്തന്വീട്ടി ല് അജി(37) ഭാര്യ അഞ്ജന(37) എന്നിവരെയാണ് ആര്പിഎഫ് എസ്ഐ എസ്. അരുണന്റെ നേതൃത്വത്തില് പിടികൂടിയത്. ഇന്നലെ വൈകിട്ട് 5.40ന് കായംകുളം എറണാകുളം പാസഞ്ചര് ചെങ്ങന്നൂര് സ്റ്റേഷനില് എത്തിയപ്പോഴാണ് സംഭവം. കായംകുളത്തുനിന്നും കോട്ടയത്തേക്ക് ജനറല് കമ്പാര്ട്ട്മെന്റില് യാത്രചെയ്ത ഇവര് ട്രെയിന് ചെങ്ങന്നൂര് സ്റ്റേഷനില് എത്തിയപ്പോള് മുകളിലെ ബര്ത്തില് കുട്ടിയെ ഉപേക്ഷിച്ച് ഇറങ്ങുകയായിരുന്നു. കുട്ടിയെ എടുക്കാതെ ആദ്യം അജിയും പിന്നാലെ അഞ്ജനയും ഇറങ്ങുന്നതുകണ്ട് സംശയം തോന്നിയ യാത്രക്കാര് പ്ലാറ്റ്ഫോം ഡ്യൂട്ടിയിലുണ്ടായിരുന്ന പോലീസിനെ വിവരം അറിയിച്ചു. തുടര്ന്ന് ഇവരെ പിടികൂടി ട്രെയിന് പുറപ്പെടും മുന്പ് കുട്ടിയെ ട്രെയിനില് നിന്നു പുറത്തെടുത്തു.കുട്ടിക്ക് ജന്മനാ ശ്വാസകോശസംബന്ധയായി അസുഖം ഉണ്ടെന്നും ചികിത്സക്കായി പണം ഇല്ലാത്തതിനാലാണ് കുട്ടിയെ ഉപേക്ഷിക്കാന് ശ്രമിച്ചതെന്നും മാതാപിതാക്കള് ആര്പിഎഫിനോട് പറഞ്ഞു. തുടര്ന്ന് കുട്ടിയെ ഏറ്റെടുക്കാന് മാതാപിതാക്കള് തയ്യാറായതോടെ കുട്ടിയെ വിട്ടുനല്കി പോകാന് അനുവദിക്കുകയായിരുന്നു.
Next Story
RELATED STORIES
പലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് നിര്ത്തിയിട്ട പിക്കപ്പിലേക്ക് ലോറി ഇടിച്ചുകയറി യുവാവ്...
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTവോട്ട് ചെയ്യുക എന്നത് ഓരോ പൗരന്റെയും അവകാശവും കടമയുമാണെന്ന് നടന്...
26 April 2024 11:33 AM GMTഇലക്ട്രിക് കാറിന് തീപിടിച്ചു; നാലംഗ മലയാളി കുടുംബത്തിന് കാലിഫോർണയിൽ...
26 April 2024 11:32 AM GMTകോഴിക്കോട്ട് കക്കാടംപൊയിലിൽ വോട്ടു ചെയ്യാൻ പോയ കുടുംബം സഞ്ചരിച്ച കാർ...
26 April 2024 11:14 AM GMT