കെഎസ്ആര്‍ടിസി : ആദ്യ വനിതാ സ്റ്റേഷന്‍ മാസ്റ്ററായി കെ ആര്‍ രോഹിണി

തൊടുപുഴ: കെഎസ്ആര്‍ടിസി ബസ് സ്റ്റേഷന്‍ നിയന്ത്രണം ഇനി പെണ്‍കരങ്ങളിലും. കേരളത്തിലെ ആദ്യ വനിതാ സ്റ്റേഷന്‍ മാസ്റ്ററായി തൊടുപുഴ വഴിത്തലപാറ സ്വദേശിനി കെ ആര്‍ രോഹിണി നാളെ പിറവം ഡിപ്പോയില്‍ ചുമതലയേല്‍ക്കും. കഴിഞ്ഞ 20 വര്‍ഷമായി കെഎസ്ആര്‍ടിസിയില്‍ കണ്ടക്ടറായി ജോലി ചെയ്യുകയാണ് രോഹിണി. ഇതിനിടെ കോട്ടയം, തൊടുപുഴ, ചെങ്ങന്നൂര്‍ എന്നിവിടങ്ങളില്‍ സ്റ്റേഷന്‍ മാസ്റ്ററുടെ താല്‍ക്കാലിക ചുമതല നിര്‍വഹിച്ചിട്ടുണ്ട്. സ്റ്റേഷന്‍ മാസ്റ്ററുടെ പൂര്‍ണ ഉത്തരവാദിത്തവുമായാണ് പിറവത്ത് നിയമിതയാവുന്നത്.