കുര്‍ദ് പാര്‍ലമെന്റ് തിരഞ്ഞെടുപ്പ് നവംബറില്‍

എര്‍ബില്‍: നവംബറില്‍ പാര്‍ലമെന്റ്, പ്രസിഡന്റ് തിരഞ്ഞെടുപ്പുകള്‍ നടത്തുമെന്നു കുര്‍ദ് പ്രാദേശിക സര്‍ക്കാര്‍. പാര്‍ലമെന്റ് തിരഞ്ഞെടുപ്പിനായി രാഷ്ട്രീയപ്പാര്‍ട്ടികള്‍ നാമനിര്‍ദേശ പത്രിക സമര്‍പ്പിക്കാന്‍ ആരംഭിച്ചതായി ഇറാഖി കുര്‍ദ് മേഖലാ ഉന്നത തിരഞ്ഞെടുപ്പു കമ്മീഷന്‍ അറിയിച്ചു. ഈ മാസം 15ഓടെ തിരഞ്ഞെടുപ്പു പ്രചാരണം ആരംഭിക്കും. നവംബര്‍ ഒന്നിനാണു വോട്ടെടുപ്പ് പ്രഖ്യാപിച്ചത്. എന്നാല്‍ പ്രഖ്യാപിച്ച ദിവസം തിരഞ്ഞെടുപ്പ് നടക്കുമോ എന്ന കാര്യത്തില്‍ ഉറപ്പില്ലെന്നു കുര്‍ദ് ഉദ്യോഗസ്ഥര്‍ അറിയിച്ചു. പാര്‍ലമെന്റ് തിരഞ്ഞെടുപ്പ് അടുത്ത വര്‍ഷത്തേക്കു നീളാന്‍ സാധ്യതയുള്ളതായും അവര്‍ വ്യക്തമാക്കി.