ഐ.എസ്സില്‍ ചേര്‍ന്ന് പ്രവര്‍ത്തിക്കുന്ന 22,000 പേരുടെ വിവരങ്ങള്‍ പുറത്ത്

ലണ്ടന്‍: ഇസ് ലാമിക് സ്റ്റേറ്റില്‍ ചേര്‍ന്ന് പ്രവര്‍ത്തിക്കുന്ന 22000 ആളുകളുടെ പേരുവിവരങ്ങള്‍ ലഭിച്ചുവെന്ന് യു.കെ ആസ്ഥാനമായി പ്രവര്‍ത്തിക്കുന്ന സ്‌കൈ ന്യൂസ് ചാനല്‍.
ഇസ് ലാമിക് സ്റ്റേറ്റില്‍ ചേര്‍ന്ന്  പ്രവര്‍ത്തിക്കുന്ന
22000 ആളുകളുടെ പേര്, മേല്‍വിലാസം, ഫോണ്‍ നമ്പര്‍ എന്നിവ അടങ്ങിയ മെമ്മറി സ്റ്റിക്ക് ഐ.എസ്സില്‍ നിന്ന് മോചിതനായ ഒരു പ്രവര്‍ത്തകന്‍ തങ്ങള്‍ക്ക് കൈമാറിയെന്നാണ് സ്‌കൈ ന്യൂസ് റിപ്പോര്‍ട്ട് ചെയ്തത്.
ഐ.എസ്സിന്റെ ആഭ്യന്തര സുരക്ഷ സംഘ തലവന്റെ അടുത്ത് നിന്നും മോഷ്ടിച്ചതാണ് മെമ്മറി സ്റ്റിക്കെന്നാണ് ചാനല്‍ അവകാശപ്പെടുന്നത്. ലോകത്തെ 51 രാജ്യങ്ങില്‍ നിന്നുള്ള ആളുകളുടെ പേരുകളാണ് ഇതില്‍ ഉള്ളത്.