അസ്സലാമു അലൈക്ക യാ ശഹ്റു റമദാന്...
BY fousiya sidheek24 Jun 2017 3:54 AM GMT
fousiya sidheek24 Jun 2017 3:54 AM GMT
കോഴിക്കോട്: അസ്സലാമു അലൈക്ക യാ ശഹ്റു റമദാ ന്... പള്ളി മിമ്പറുകളില് നിന്ന് ഖത്തീബുമാര് കണ്ഠമിടറി വിശുദ്ധ റമദാന് സലാം പറഞ്ഞപ്പോള് കേട്ടിരുന്ന വിശ്വാസികളുടെ മനസ്സുകളും ആര്ദ്രമായി. ഇനിയും ഒന്നോ രണ്ടോ വ്രതദിനങ്ങള് അവശേഷിക്കുന്നുണ്ടെങ്കിലും ഈ റമദാനിലെ അവസാന വെള്ളിയായ ഇന്നലെ ജുമുഅ ഖുതുബയില് നോമ്പിന്റെ ദിനരാത്രങ്ങളോടും രാത്രിനമസ്കാരങ്ങളോടും ഖത്തീബുമാര് സലാം പറഞ്ഞു. അസ്സലാമു അലൈക്ക യാ ശഹ്റു റമദാനെന്ന ഖത്തീബുമാരുടെ വേദന നിറഞ്ഞ വാക്കുകള് വിശ്വാസികളുടെ കണ്ണുകളെ ഈറനണിയിച്ചു.അവസാന വെള്ളിയായ ഇന്നലെ മിക്ക പള്ളികളിലും ജുമുഅ നമസ്കരിക്കാനെത്തിയവരുടെ നിര പുറത്തേക്കു നീണ്ടു. റമദാന് മുമ്പ് അറ്റകുറ്റപ്പണി നടത്തി കൂടുതല് സൗകര്യമൊരുക്കിയിരുന്നെങ്കിലും ജനബാഹുല്യം കാരണം പലയിടത്തും പുറത്ത് പായയും കടലാസും വിരിച്ചായിരുന്നു നമസ്കാരം. റമദാനില് സ്ഫുടംചെയ്തെടുത്ത ഹൃദയം പാപക്കറ പുരളാതെ സൂക്ഷിക്കാന് ഖത്തീബുമാര് ആഹ്വാനം ചെയ്തു. ഹൃദയത്തിന്റെയും കണ്ണിന്റെയും കാതിന്റെയും നാക്കിന്റെയും വ്രതം തുടര്ന്ന് സല്ക്കര്മങ്ങളില് മല്സരിക്കാന് നോമ്പ് നല്കിയ പരിശീലനത്തിലൂടെ സാധിക്കണമെന്ന സന്ദേശവും മിമ്പറുകളില് നിന്നുയര്ന്നു. പുണ്യങ്ങളുടെ പൂക്കാലം കഴിഞ്ഞുപോയതിലെ നൊമ്പരവും ആത്മീയാനുഭൂതിയുടെ ദിനരാത്രങ്ങള്ക്ക് ഇനി നീണ്ട ഒരുവര്ഷത്തെ കാത്തിരിപ്പ് വേണമെന്ന ഓര്മപ്പെടുത്തലും ഖുതുബകളില് നിറഞ്ഞു. നോമ്പില് സംഭവിച്ചുപോയ വീഴ്ചകള് പരിഹരിക്കാന് പ്രവാചകന് നിശ്ചയിച്ച ഫിത്വ്ര് സകാത്ത് നിര്ബന്ധമായും നല്കണമെന്ന ഓര്മപ്പെടുത്തലുകള് കൂടി നല്കിയാണ് ഖുതുബകള് അവസാനിച്ചത്.
Next Story
RELATED STORIES
കിറ്റിനു പിന്നാലെ വസ്ത്രശേഖരവും; ബിജെപി വിതരണത്തിനെത്തിച്ചതെന്ന്...
25 April 2024 5:48 PM GMTഅഞ്ചുവര്ഷത്തിനിടെ ബെംഗളൂരു സൗത്തിലെ ബിജെപി എംപിയുടെ സ്വത്ത്...
25 April 2024 5:41 PM GMTരാഹുല് ഗാന്ധിക്കെതിരായ അധിക്ഷേപ പരാമര്ശം; പി വി അന്വര്...
25 April 2024 5:17 PM GMTമുഴുസമയ വെബ് കാസ്റ്റിങ്, കള്ളവോട്ട് തടയാന് കണ്ണൂരില് കനത്ത സുരക്ഷ
25 April 2024 5:11 PM GMTഒമാനില് വാഹനാപകടം: രണ്ട് മലയാളികള് ഉള്പ്പെടെ മൂന്ന് നഴ്സുമാര്...
25 April 2024 4:42 PM GMTപരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMT