തൂശൂരില് ബസ്സില് ജീപ്പിടിച്ച് രണ്ട് മരണം; 12 പേര്ക്കു പരിക്ക്
തൃശൂര്: തൃപ്രയാര് റോഡില് മുത്തുള്ളിയാലില് സ്വകാര്യബസില് ജീപ്പിടിച്ച് രണ്ടുപേര് മരിച്ചു. 12 ബസ് യാത്രക്കാര്ക്ക് പരിക്കേറ്റു. ജീപ്പ് യാത്രക്കാരായ മഞ്ഞപ്ര ആവുപാടം ദേവസ്യയുടെ മകന് ബിജു(44), ഒഡീഷ സ്വദേശി സന്തോഷ് പ്രധാന് എന്നിവരാണ് മരിച്ചത്. വെള്ളിയാഴ്ച വൈകീട്ട് മൂന്നോടെ മുത്തുള്ളിയാല് ഗ്ലോബല് സ്കൂളിന് സമീപമാണ് അപകടം. പരിക്കേറ്റ ബസ് യാത്രക്കാരായ ചിറക്കല് വാക്കറ വീട്ടില് മുഹമ്മദ് ബഷീര്(64), ചേര്പ്പ് പടിഞ്ഞാട്ടുമുറി കറപ്പന് വീട്ടില് അബ്ദുല്ല(74), ഇഞ്ചമുടി വെള്ളംപറമ്പില് സുബിത(37), ഇഞ്ചമുടി മുറിപറമ്പില് ലക്ഷ്മിക്കുട്ടി(76) എന്നിവരെ കൂര്ക്കഞ്ചേരി ആശുപത്രിയിലും ഇഞ്ചമുടി ഞാറ്റുവെട്ടി ദിലീപിന്റെ ഭാര്യ ഷീബ(53), മകള് അമൃത(15), മണലൂര് പുത്തന്പുരയ്ക്കല് കുട്ടന്റെ മകന് മോഹനന്(58), മോഹനന്റെ ഭാര്യ ശ്യാമ(50), പൊന്നൂക്കര തെക്കുംപുറം ബിജുവിന്റെ ഭാര്യ രേഷ്മ(33), മക്കളായ ഭവീഷ് കൃഷ്ണ(12), ഭദ്രശ്രീ(10), അവിണിശ്ശേരി കുന്നത്തുവളപ്പില് അനില്കുമാറിന്റെ ഭാര്യ അംബിക(49) എന്നിവരെ പഴുവിലിലെ സ്വകാര്യ ആശുപത്രിയിലും പ്രവേശിപ്പിച്ചു. ജീപ്പിലുണ്ടായിരുന്ന രണ്ടുപേരെയും ഏറെ പണിപ്പെട്ടാണ് പുറത്തെടുത്തത്. ഉടന് തന്നെ ആശുപത്രിയില് എത്തിച്ചെങ്കിലും രക്ഷിക്കാനായില്ല. ജീപ്പിന്റെ മുന്ഭാഗം പൂര്ണമായി തകര്ന്നു. അമിത വേഗത്തിലെത്തിയ ജീപ്പ് മറ്റൊരു വാഹനത്തെ മറികടക്കാന് ശ്രമിക്കവേ തൃപ്രയാര് ഭാഗത്തേക്ക് പോയ ബസില് ഇടിക്കുകയായിരുന്നു.
RELATED STORIES
മാരകായുധങ്ങളുമായി എത്തിയ സംഘത്തെ നാട്ടുകാർ പിടികൂടി
19 May 2024 3:58 PM GMTഇറാൻ പ്രസിഡന്റ് ഇബ്രാഹിം റെയ്സി സഞ്ചരിച്ച ഹെലികോപ്റ്റർ...
19 May 2024 2:46 PM GMTഇറാന് പ്രസിഡന്റ് ഇബ്രാഹിം റൈസി സഞ്ചരിച്ചിരുന്ന ഹെലിക്കോപ്റ്റര്...
19 May 2024 2:41 PM GMTഇസ് ലാം: ഗവേഷണങ്ങൾക്കും ആധുനികതയ്ക്കും വഴി കാണിച്ച മതം: വിസ്ഡം യൂത്ത്
19 May 2024 1:14 PM GMTതൊഴിലാളി ചൂഷണത്തിനെതിരേ എസ് ഡിടിയു പോരാടും: അഡ്വ. എ എ റഹീം
19 May 2024 12:01 PM GMTഇസ്രായേലിന്റെ സാന്നിധ്യം; ഫിഫ വാര്ഷികാഘോഷത്തില് നിന്നും ഇറങ്ങിപ്പോയി ...
19 May 2024 11:15 AM GMT