ഇന്റർനെറ്റ് ​സേവനങ്ങൾ നിഷേധിച്ച് 122 ദിവസം; കശ്മീരികൾക്ക് വാട്ട്‌സ്ആപ്പ് അക്കൗണ്ടുകൾ നഷ്‌ടപ്പെട്ടു

കശ്മീർ: ഇന്റർനെറ്റ് ​സേവനങ്ങൾ നിഷേധിച്ച് 122 ദിവസം പിന്നിടുമ്പോൾ കശ്മീരികളുടെ വാട്ട്‌സ്ആപ്പ് അക്കൗണ്ടുകൾ നഷ്‌ടപ്പെട്ടു. നാല് മാസത്തിലധികം തുടർച്ചയായി വാട്ട്‌സ്ആപ്പ് ഉപയോ​ഗിച്ചില്ലെങ്കിൽ അക്കൗണ്ടുകൾ നഷ്ടപ്പെടാറുണ്ട്. തങ്ങളുടെ വാട്ട്‌സ്ആപ്പ് അക്കൗണ്ടുകൾ നഷ്ടപ്പെട്ടതായി കശ്മീരികളായ നിരവധി പേർ ട്വീറ്റ് ചെയ്തു.

My family and friends back in #Kashmir are losing their @WhatsApp accounts for being inactive for more than 4 months now due to internet blockade imposed by India. An important part of their digital imprint is vanishing and they don't even know it's happening.@netblocks @SFLCin pic.twitter.com/FIm4LNkyqP

— Tanzeel Khan (@iamtanzeelkhan) December 5, 2019

നിഷ്‌ക്രിയ അക്കൗണ്ടുകളെക്കുറിച്ചുള്ള കമ്പനിയുടെ നയത്തിന്റെ ഫലമാണ് വാട്ട്‌സ്ആപ്പ് അക്കൗണ്ടുകൾ നഷ്‌ടപ്പെടുന്നതെന്ന് ഫേസ്ബുക്ക് വക്താവ് പറഞ്ഞതായി ബസ്സ്ഫീഡ് ന്യൂസ് സ്ഥിരീകരിച്ചു. സുരക്ഷ നിലനിർത്തുന്നതിനാണ് 120 ദിവസത്തിലധികം ദിവസം നിഷ്‌ക്രിയമായി കിടക്കുന്ന വാട്ട്‌സ്ആപ്പ് അക്കൗണ്ടുകൾ ഇല്ലാതാക്കുന്നതെന്ന് അദ്ദേഹം പറഞ്ഞു.

🛑 @WhatsApp Please pay attention to this. There is no Internet in Kashmir for the past 4 months now, and your algorithm is deleting Kashmiri Whatsapp accounts which have been inactive for over 120 days, for no fault of theirs.@evgenymorozov @zeynep @Snowden @AOC @PopTechWorks https://t.co/PbNRdVTfRi

— Shehla Rashid (@Shehla_Rashid) December 5, 2019

ദയവായി ഇത് ശ്രദ്ധിക്കുക. കഴിഞ്ഞ 4 മാസമായി കശ്മീരിൽ ഇന്റർനെറ്റ് ഇല്ല, നിങ്ങളുടെ അൽ‌ഗോരിതം 120 ദിവസത്തിലേറെയായി നിഷ്‌ക്രിയമായിരിക്കുന്ന കശ്മീരി വാട്ട്‌സ്ആപ്പ് അക്കൗണ്ടുകൾ ഇല്ലാതാക്കുന്നു, ഇത് അവരുടെ തെറ്റല്ലെന്ന് വാട്ട്‌സ്ആപ്പിനെ ടാ​ഗ് ചെയ്ത് ആക്ടിവിസ്റ്റ് ഷെഹ്‌ല റാഷിദ് ട്വിറ്ററിൽ പറഞ്ഞു. ആഗസ്ത് 5 മുതൽ ജമ്മു കശ്മീരിന്റെ പ്രത്യേക ഭരണഘടനാ പദവി കേന്ദ്രം റദ്ദാക്കിയതിനുശേഷം ഇന്റർനെറ്റ് സേവനങ്ങൾ കശ്മീരിൽ നിഷേധിച്ചത് വ്യാപക പ്രതിഷേധങ്ങൾക്ക് ഇടയാക്കിയിരുന്നു.