പ്രതിഷേധക്കാരെ വെടിവെച്ചുകൊല്ലും; ആവര്ത്തിച്ച് ബംഗാള് ബിജെപി അധ്യക്ഷന്
ഞങ്ങള് അധികാരത്തില് വന്നാല്, ദേശവിരുദ്ധരെയും പൊതുമുതല് നശിപ്പിക്കുന്നവരെയും ലാത്തി ഉപയോഗിച്ച് അടിക്കുകയും വെടിവച്ച് കൊല്ലുകയും ജയിലില് ഇടുകയും ചെയ്യുമെന്ന് കൊല്ക്കത്തയില് നടന്ന പത്രസമ്മേളനത്തില് ദിലീപ് പറഞ്ഞു.
കൊല്ക്കത്ത: പ്രതിഷേധക്കാരെ വെടിവെച്ചുകൊല്ലുമെന്ന് ആവര്ത്തിച്ച് പശ്ചിമ ബംഗാള് ബിജെപി അധ്യക്ഷന് ദിലിപ് ഘോഷ്. ഉത്തര്പ്രദേശില് പ്രക്ഷോഭത്തിനിടയില് പൊതുമുതല് നശിപ്പിച്ചവരെ നായ്ക്കളെ പോലെ വെടിവെച്ചുകൊന്നുവെന്ന ദിലിപ് ഘോഷിന്റെ പ്രസ്താവന വിവാദമായിരുന്നു. ഇതിന് പിന്നാലെയാണ് വീണ്ടും വെടിവെച്ച് കൊല്ലുമെന്ന പ്രസ്താവന ദിലിപ് ആവര്ത്തിച്ചിരിക്കുന്നത്.
ഞങ്ങള് അധികാരത്തില് വന്നാല്, ദേശവിരുദ്ധരെയും പൊതുമുതല് നശിപ്പിക്കുന്നവരെയും ലാത്തി ഉപയോഗിച്ച് അടിക്കുകയും വെടിവച്ച് കൊല്ലുകയും ജയിലില് ഇടുകയും ചെയ്യുമെന്ന് കൊല്ക്കത്തയില് നടന്ന പത്രസമ്മേളനത്തില് ദിലീപ് പറഞ്ഞു. സംസ്ഥാന അധ്യക്ഷനെ തിരഞ്ഞെടുക്കുന്നതിനുള്ള നടപടികള് അടുത്ത ദിവസം ആരംഭിക്കാനിരിക്കെയാണ് ദിലിപിന്റെ പരാമര്ശം.
നായ്ക്കളെ പോലെ വെടിവെച്ചുകൊന്നുവെന്ന പരാമര്ശത്തെ കുറിച്ച് പുനരാലോചിക്കുന്നുണ്ടോ എന്ന ചോദ്യത്തിന് 'ഞാന് എന്താണോ പറഞ്ഞത് അത് ചിന്തിച്ചതിനു ശേഷമാണ് പറഞ്ഞത്' എന്നായിരുന്നു അദ്ദേഹത്തിന്റെ മറുപടി. തങ്ങളുടെ ഭരണകാലത്ത് ഇടതുപക്ഷവും തൃണമൂല് കോണ്ഗ്രസും കോണ്ഗ്രസും പോലിസ് വെടിവയ്പ്പില് നിരവധി പേരെ കൊലപ്പെടുത്തിയിട്ടുള്ളതാണെന്നും ദിലിപ് കുറ്റപ്പെടുത്തി.
പശ്ചിമ ബംഗാളില് നക്സല് കാലഘട്ടത്തില് സിദ്ധാര്ഥ് ശങ്കര് നിരവധി ചെറുപ്പക്കാരെ പിറകില് വെടിയുതിര്ത്ത് കൊലപ്പെടുത്തിയിട്ടുണ്ട്. അന്ന് അദ്ദേഹത്തിന് വേണ്ടി ആര്പ്പുവിളിച്ചവരാണോ ഇന്ന് അഹിംസയെ കുറിച്ച് സംസാരിക്കുന്നതെന്ന് ദിലിപ് ചോദിച്ചു. ദിലിപിന്റെ പ്രസ്താവനയെ വിമര്ശിച്ച് നിരവധി പേര് രംഗത്തെത്തി. ദിലീപിന്റെ പ്രസ്താവനയെ അപലപിക്കുന്നുവെന്നും എത്രയും വേഗം പ്രസ്താവന പിന്വലിക്കാന് ദിലിപ് ഘോഷ് തയ്യാറാകണമെന്നും ഗൂര്ഖ ജനമുക്തി മോര്ച്ച ആവശ്യപ്പെട്ടു.
RELATED STORIES
പരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMTപട്നയില് ഹോട്ടലില് വന് തീപിടിത്തം; ആറുമരണം
25 April 2024 11:53 AM GMTജാവദേക്കര് ഇ പിയുമായി ചര്ച്ച നടത്തിയത് പിണറായിക്കു വേണ്ടി; സുധാകരന് ...
25 April 2024 11:24 AM GMTമസ്ജിദിനു നേരെ 'അമ്പെയ്ത' ഹൈദരാബാദിലെ ബിജെപി സ്ഥാനാര്ഥിയുടെ ആസ്തി 221 ...
25 April 2024 11:03 AM GMTതൃശ്ശൂർ പൂരത്തിനിടെ വിദേശ വ്ളോഗർമാർക്ക് നേരേ ലൈംഗികാതിക്രമം
25 April 2024 10:54 AM GMT41 ഡിഗ്രി സെൽഷ്യസ് വരെ താപനില ഉയരാൻ സാധ്യത, പാലക്കാട് ഉഷ്ണതരംഗ...
25 April 2024 10:52 AM GMT