സംസ്ഥാന സ്കൂള് കലോല്സവം ഡിസം. 7,8,9 തിയ്യതികളില് -ആര്ഭാടം ഒഴിവാക്കും
BY afsal ph aph18 Sep 2018 2:58 PM GMT
X
afsal ph aph18 Sep 2018 2:58 PM GMT
തിരുവനന്തപുരം: സംസ്ഥാന സ്കൂള് കലോത്സവം ഡിസംബര് ഏഴ്, എട്ട്, ഒമ്പത് തീയതികളില് ആലപ്പുഴയില് നടക്കും. പ്രളയത്തെ തുടര്ന്നുണ്ടായ പ്രത്യേക സാഹചര്യത്തിലാണ് കലോത്സവം മൂന്നു ദിവസം മാത്രമാക്കാന് തീരുമാനിച്ചിട്ടുള്ളത്. ഡിപിഐയുടെ അധ്യക്ഷതയില് ചേര്ന്ന ഗുണനിലവാര പരിശോധനാ സമിതി യോഗം തീരുമാനങ്ങള് സര്ക്കാരിന് സമര്പ്പിച്ചു.
രചനാ മത്സരങ്ങള് ജില്ലാ തലത്തിലാക്കി ചുരുക്കി സംസ്ഥാന തലത്തില് മൂല്യനിര്ണയം ചെയ്ത് വിജയികള്ക്ക് ഗ്രേസ് മാര്ക്ക് നല്കും.
ഗെയിംസ് ഇനങ്ങള് ഒഴിവാക്കി കായിക മേള നടത്താനും തീരുമാനമായി. ഒക്ടോബര് 26, 27, 28 തീയതികളില് തിരുവനന്തപുരത്താണ് കായിക മേള. ഗെയിംസ് ഇനങ്ങളിലെ ജില്ലാ തലത്തിലുള്ള വിജയികള്ക്ക് ഗ്രേസ് മാര്ക്ക് നല്കും. അത്ലറ്റിക്സ് ഇനങ്ങള് മാത്രമാണ് സംസ്ഥാന തലത്തില് മത്സരം നടത്തുക. ജില്ലാ തലത്തില് ഒന്ന്, രണ്ട് സ്ഥാനങ്ങള് കിട്ടിയവര് മാത്രമാണ് സംസ്ഥാന തലത്തില് മത്സരിക്കുക. ശാസ്ത്രോത്സവം നവംബര് 24, 25 തീയതികളില് നടക്കും. എല്പി, യുപി വിഭാഗം മത്സരങ്ങള് സ്കൂള് തലത്തില് മാത്രമായിരിക്കും നടക്കുക. സ്പെഷല് സ്കൂള് മത്സരങ്ങള് ഒക്ടോബര് 26,27,28 തീയതികളില് നടക്കും.
ആര്ഭാടമില്ലാതെ കലോത്സവം നടത്താനാണ് തീരുമാനം. ചിലവ് ചുരുക്കുന്നതിന്റെ ഭാഗമായി സ്ഥിരം ഹാള്, പന്തല് എന്നിവ കലോല്സവത്തിനായി ഉപയോഗിക്കും. ഉദ്ഘാടനസമാപന ചടങ്ങുകളുണ്ടാകില്ലെന്ന് കഴിഞ്ഞ ദിവസം വിദ്യാഭ്യാസ മന്ത്രി അറിയിച്ചിരുന്നു.
ജില്ലാ കലോത്സവം 2 ദിവസം വീതം നവം.12 നും 24നും ഇടയില് നടത്തും. രചനാ മത്സരങ്ങള് ജില്ലാതലം വരെ (47 ഇനങ്ങള്) മാത്രമായിരിക്കും. ജില്ലയിലെ രചനകള് സംസ്ഥാന തലത്തില് വിലയിരുത്തി ഗ്രേഡ് നല്കും. സബ് ജില്ല ഓക്ടോബര് 20 നും നവം' 3 നും ഇടയില് ഒന്ന് അല്ലെങ്കില് 2 ദിവസത്തിലായി നടത്തും. സ്കൂള്തലം ഒക്ടോബര് ഒന്നിനും 13 നും ഇടയില് നടത്തും.
Next Story
RELATED STORIES
മഹാരാഷ്ട്രയിൽ സ്വതന്ത്രനായി മത്സരിക്കാൻ പത്രിക നൽകി 'യമരാജൻ'
19 April 2024 10:50 AM GMTജോലിക്കിടയില് കാണാതായ ആലുവ ഹെഡ് പോസ്റ്റ് ഓഫിസ് ജീവനക്കാരനെ...
19 April 2024 10:49 AM GMTകെ കെ ശൈലജക്കെതിരെ സമൂഹമാധ്യമത്തില് അശ്ലീല കമന്റിട്ട...
19 April 2024 10:47 AM GMTകാട്ടുമാടം മനയിൽ നിന്ന് പുരാതന വിഗ്രഹങ്ങളും സ്വര്ണാഭരണങ്ങളും കവര്ന്ന ...
19 April 2024 10:46 AM GMTരാഹുല് ഗാന്ധിക്കെതിരെ പരിഹാസ പരാമര്ശവുമായി മുഖ്യമന്ത്രി പിണറായി...
19 April 2024 10:44 AM GMTകെകെ ശൈലജക്കെതിരെ സൈബര് ആക്രമണം നടന്നിട്ടുണ്ടെങ്കില് അത് തെറ്റാണ്: ...
19 April 2024 10:43 AM GMT