ചികില്‍സ കഴിഞ്ഞ് മുഖ്യമന്ത്രി തിരിച്ചെത്തി


തിരുവനന്തപുരം: അമേരിക്കയിലെ ചികില്‍സയ്ക്കുശേഷം മുഖ്യമന്ത്രി പിണറായി വിജയന്‍ കേരളത്തില്‍ തിരിച്ചെത്തി. പുലര്‍ച്ചെ 3.30നുള്ള വിമാനത്തിലാണു മുഖ്യമന്ത്രി തിരുവനന്തപുരത്തെത്തിയത്. തുടര്‍ന്ന് ക്ലിഫ് ഹൗസിലേക്കു പോയി. മുഖ്യമന്ത്രി നാളെ എത്തുമെന്നായിരുന്നു നേരത്തേ അറിയിച്ചിരുന്നു. പ്രതീക്ഷിച്ചതിലും ഒരു ദിവസം നേരത്തേയാണ് അദ്ദേഹം മടങ്ങിയിരിക്കുന്നത്.

ചികില്‍സയ്ക്കായി ഈ മാസം രണ്ടിനാണ് അമേരിക്കയിലേക്ക് പോയത്. മിനിസോട്ടയിലെ റോചെസ്റ്ററില്‍ പ്രവര്‍ത്തിക്കുന്ന മയോ ക്ലിനിക്കിലായിരുന്നു ചികിത്സ. ഭാര്യ കമലയും ഒപ്പമുണ്ടായിരുന്നു. ഓഗസ്റ്റ് 19നു പോകേണ്ടതായിരുന്നെങ്കിലും പ്രളയം മൂലം യാത്ര മാറ്റിവയ്ക്കുകയായിരുന്നു.
MTP Rafeek

MTP Rafeek

Our Contributor help bring you the latest article around you


RELATED STORIES

Share it
Top