ശബരിമലയിലെ യുവതി പ്രവേശനത്തെ അനുകൂലിച്ച് ഐക്യരാഷ്ട്രസഭ
സ്ത്രീകളെ ശബരിമലയില് പ്രവേശിപ്പിക്കാതിരിക്കുന്നത് മനുഷ്യാവകാശലംഘനമാണെന്നും യുഎന് സെക്രട്ടറി ജനറല് അന്റോണിയോ ഗുട്ടെറസിന്റെ ഔദ്യോഗിക വക്താവ് ഫര്ഹാന് ഹഖ് പറഞ്ഞതായി ദേശീയ മാധ്യമങ്ങള് റിപോര്ട്ട് ചെയ്തു.
ന്യൂഡല്ഹി: ശബരിമലയില് യുവതികള്ക്ക് പ്രവേശിക്കാമെന്ന സുപ്രിംകോടതി വിധിയെ അനുകൂലിച്ച് ഐക്യരാഷ്ട്ര സഭ. വിധിയെ എല്ലാവരും ബഹുമാനിക്കണമെന്നും സുപ്രിംകോടതിയില് നിന്നു അനുകൂല വിധി വന്ന സാഹചര്യത്തിലും സ്ത്രീകളെ ശബരിമലയില് പ്രവേശിപ്പിക്കാതിരിക്കുന്നത് മനുഷ്യാവകാശലംഘനമാണെന്നും യുഎന് സെക്രട്ടറി ജനറല് അന്റോണിയോ ഗുട്ടെറസിന്റെ ഔദ്യോഗിക വക്താവ് ഫര്ഹാന് ഹഖ് പറഞ്ഞതായി ദേശീയ മാധ്യമങ്ങള് റിപോര്ട്ട് ചെയ്തു. സുപ്രിംകോടതി അഭിപ്രായം പറഞ്ഞതിനാല് വിഷയം ഇന്ത്യയിലെ നിയമ നിര്മാണ വിദഗ്ദരുടെ കൈകളില് വിട്ടുകൊടുത്തിരിക്കുകയാണ്. തീര്ച്ചയായും എല്ലാവരും നിയമത്തെ ബഹുമാനിക്കണമെന്ന് ഞങ്ങള്ക്ക് നിര്ബന്ധമുണ്ട്. മാത്രമല്ല അവകാശങ്ങളെക്കുറിച്ചും തുല്യാവകാശങ്ങളെക്കുറിച്ചും യുഎന്നിനുള്ള അടിസ്ഥാനപരമായ നിലപാടിനെക്കുറിച്ച് എല്ലാവരും ബോധവാന്മാരായിരിക്കണമെന്നും അദ്ദേഹം പറഞ്ഞു. ഈ വിധി എല്ലാ മതക്കാര്ക്കും ബാധകമാണ്. എങ്ങനെ നടപ്പില് വരുത്തുമെന്നതാണ് ചോദ്യം. ഇക്കാര്യത്തില് കോടതി നിലപാടിനെയും നിയമത്തെയും ബഹുമാനിക്കാന് ഞങ്ങള് എല്ലാവരോടും ആവശ്യപ്പെടുന്നുവെന്നും അദ്ദേഹം പറഞ്ഞു.
RELATED STORIES
ഐഎസ്എല് കിരീട മോഹം പൊലിഞ്ഞു; പ്ലേ ഓഫില് ഒഡീഷയോട് തോറ്റ്...
19 April 2024 6:38 PM GMTരാഹുല് പറഞ്ഞത് മുഖ്യമന്ത്രിയെ അറസ്റ്റ് ചെയ്യണമെന്ന...
19 April 2024 3:00 PM GMTഒന്നാംഘട്ടം 60.03 ശതമാനം പോളിങ്; ത്രിപുരയും ബംഗാളും മുന്നില്
19 April 2024 2:44 PM GMTയുദ്ധഭീതി; ഇസ്രായേലിലേക്കുള്ള വിമാന സര്വീസുകള് നിര്ത്തിവച്ച് എയര്...
19 April 2024 2:14 PM GMTമഹാരാഷ്ട്രയിൽ സ്വതന്ത്രനായി മത്സരിക്കാൻ പത്രിക നൽകി 'യമരാജൻ'
19 April 2024 10:50 AM GMTജോലിക്കിടയില് കാണാതായ ആലുവ ഹെഡ് പോസ്റ്റ് ഓഫിസ് ജീവനക്കാരനെ...
19 April 2024 10:49 AM GMT