നെടുമ്പാശേരിയില് 1.47 കോടി രൂപയുടെ സ്വര്ണവും 32 ലക്ഷം രൂപയുടെ വിദേശ കറന്സിയും പിടികൂടി
ദുബായില്നിന്നു നെടുമ്പാശേരി രാജ്യാന്തര വിമാനത്താവളം വഴി ചെന്നൈയിലേക്കു പോകാന് എത്തിയ സ്പൈസ്ജെറ്റ് എയര്ലൈന്സ് വിമാനത്തിന്റെ ടോയ് ലെറ്റില്നിന്നാണു ഡയറക്ടറേറ്റ് റവന്യു ഇന്റലിജന്സ് വിഭാഗം നടത്തിയ പരിശോധനയില് ഒരു കോടി പതിനഞ്ച് ലക്ഷം രൂപയുടെ 2.75 കിലോ സ്വര്ണം പിടികൂടിയത്.റിയാദില്നിന്നു കൊളൊബോ വഴി നെടുമ്പാശേരിയില് വന്നിറങ്ങിയ യാത്രക്കാരന്റെ പക്കല്നിന്നു 32 ലക്ഷം രൂപയുടെ 750 ഗ്രാം സ്വര്ണമിശ്രിതവും പിടികൂടി
കൊച്ചി : നെടുമ്പാശേരി രാജ്യാന്തര വിമാനത്താവളം വഴി കടത്താന് ശ്രമിച്ച 1.47 കോടി രൂപയുടെ സ്വര്ണവും 32 ലക്ഷം രൂപയുടെ വിദേശ കറന്സിയും പിടികൂടി. ദുബായില്നിന്നു നെടുമ്പാശേരി രാജ്യാന്തര വിമാനത്താവളം വഴി ചെന്നൈയിലേക്കു പോകാന് എത്തിയ സ്പൈസ്ജെറ്റ് എയര്ലൈന്സ് വിമാനത്തിന്റെ ടോയ് ലെറ്റില്നിന്നാണു ഡയറക്ടറേറ്റ് റവന്യു ഇന്റലിജന്സ് വിഭാഗം നടത്തിയ പരിശോധനയില് ഒരു കോടി പതിനഞ്ച് ലക്ഷം രൂപയുടെ 2.75 കിലോ സ്വര്ണം പിടികൂടിയത്. ഈ സ്വര്ണം കൊച്ചിയില്നിന്നു ചെന്നൈയിലേക്ക് ആഭ്യന്തര യാത്രക്കാരനായി കയറുന്ന ആള്ക്ക് പരിശോധനകള് കൂടാതെ ചെന്നൈ വഴി പുറത്ത് ഇറയ്ക്കാന് കഴിയും. ഇത്തരത്തില് സ്വര്ണം കടത്തുന്നതിനായിരിക്കണം ടോയ്ലൈറ്റില് സ്വര്ണം ഒളിപ്പിച്ചതെന്നാണു പ്രാഥമിക നിഗമനം.
ഇതു സംബന്ധിച്ച് ആരെയും കസ്റ്റഡിയില് എടുത്തിട്ടില്ല. റിയാദില്നിന്നു കൊളൊബോ വഴി നെടുമ്പാശേരിയില് വന്നിറങ്ങിയ യാത്രക്കാരന്റെ പക്കല്നിന്നു 32 ലക്ഷം രൂപയുടെ 750 ഗ്രാം സ്വര്ണമിശ്രിതവും പിടികൂടി. അടിവസ്ത്രത്തില് ഒളിപ്പിച്ച് കടത്താന് ശ്രമിച്ച സ്വര്ണം എയര് കസ്റ്റംസ് ഇന്റലിജന്സ് വിഭാഗമാണു പിടികൂടിയത്. നെടുമ്പാശേരിയില്നിന്ന് എമിറൈസ് എയര്ലൈന്സ് വിമാനത്തില് ദുബായിലേക്ക് പോകാന് എത്തിയ പാലക്കാട് സ്വദേശിനിയായ യാത്രക്കാരിയുടെ ചെക്കിംഗ് ബാഗില്നിന്നാണു 32 ലക്ഷം രൂപയുടെ വിദേശ കറന്സി പിടികൂടായത്. പട്ടാമ്പിയില്നിന്ന് ഒരാള് വിദേശ കറന്സി കൈമാറിയതാണന്നു ബോധ്യപ്പെട്ടിട്ടുണ്ട്. ഇവര്ക്കു വേണ്ടി എയര് കസ്റ്റംസ് അന്വേഷണം ആരംഭിച്ചു.
RELATED STORIES
കട്ടപ്പനയിൽ കാട്ടുപന്നി കിണറ്റിൽ വീണു; വനം വകുപ്പ് ഉദ്യോഗസ്ഥരെത്തി...
20 April 2024 10:41 AM GMTത്രിപുരയില് വീണ്ടും വോട്ടെടുപ്പ് നടത്തണമെന്ന് ഇടതുമുന്നണി; പരാതിക്ക്...
20 April 2024 10:40 AM GMTതനിക്കെതിരെ എസ്എഫ്ഐ നടത്തിയത് പ്രതിഷേധമല്ല, ആക്രമണമാണ്: ഗവര്ണര്...
20 April 2024 10:34 AM GMTപക്ഷിപ്പനി; പഞ്ചായത്ത് തല സമിതികള് കൂടി മേല്നടപടികള് സ്വീകരിക്കും: ...
20 April 2024 10:30 AM GMTതൊഴിലാളികളെ രാഷ്ട്രീയവല്ക്കരിക്കും; എസ്ഡിടിയു സംസ്ഥാന പ്രതിനിധി...
20 April 2024 10:27 AM GMTനുണക്ക് സമ്മാനം കൊടുക്കുകയാണെങ്കിൽ ഒന്നാം സ്ഥാനം വിഡി സതീശന് കിട്ടും : ...
20 April 2024 10:26 AM GMT