മനുഷ്യകടത്ത്: പോലീസിന് നിര്‍ണായക വിവരം ലഭിച്ചുവെന്ന് ആലുവ എസ്പി

കൊച്ചി: മുനമ്പത്ത് നിന്നും ബോട്ടില്‍ കയറി വിദേശത്തേയക്ക് 43 അംഗ സംഘം കടന്ന സംഭവത്തില്‍ പോലീസിന് വ്യക്തമായ വിവരം ലഭിച്ചുവെന്ന് കേസ് അന്വേഷണം നടത്തുന്ന ആലുവ റൂറല്‍ എസ്പി രാഹുല്‍ ആര്‍ നായര്‍ മാധ്യമ പ്രവര്‍ത്തകരോട് പറഞ്ഞു. സംഭവത്തിന്റെ കൃത്യമായ ചിത്രം പോലീസിന് ലഭിച്ചുകഴിഞ്ഞു എന്നാല്‍ അന്വേഷണം പുരോഗമിക്കുന്നതിനാല്‍ ഇത് സംബന്ധിച്ച് കുടുതല്‍ വിവരങ്ങള്‍ ഇപ്പോള്‍ പുറത്തു വിടാന്‍ കഴിയില്ല.അന്വേഷണം നല്ല രിതിയിലാണ് പുരോഗമിക്കുന്നത്.മനുഷ്യകടത്തിനു പിന്നില്‍ പ്രവര്‍ത്തിച്ചവരെ കുറിച്ചും ഏറെക്കുറെ പോലീസിന് വ്യക്തമായ വിവരം ലഭിച്ചിട്ടുണ്ടെന്നും എസ് പി പറഞ്ഞു.