നിര്മാതാക്കളുടെ വിലക്ക്:ഷെയ്ന് നിഗം അമ്മ ജനറല് സെക്രട്ടറി ഇടവേള ബാബുവുമായി കൂടിക്കാഴ്ച നടത്തി; ഫെഫ്കയുമായും ചര്ച്ച നടത്തും
ഇന്നലെ നടന്ന കൂടിക്കാഴ്ചയില് അമ്മ ഭാരവാഹിയായ നടന് സിദ്ദീഖും പങ്കെടുത്തു.മുടങ്ങിക്കിടക്കുന്ന സിനിമകള് പൂര്ത്തീകരിക്കാന് തയ്യാറാണെന്ന് ഷെയ്ന് നിഗം അമ്മ ഭാരവാഹികള്ക്ക് ഉറപ്പു നല്കി. വിഷയവുമായി ബന്ധപ്പെട്ട് തനിക്ക് പറയാനുള്ളതെല്ലാം ഷെയ്ന് വിശദമായി അവതരിപ്പിച്ചു. ഷെയ്ന് പറഞ്ഞ കാര്യങ്ങളുമായി ബന്ധപ്പെട്ട് ഫെഫ്ക നേതൃത്വവുമായി അമ്മ ഭാരവാഹികള് രണ്ടു ദിവസത്തിനകം ചര്ച്ച നടത്തും. വെയില് എന്ന സിനിമക്ക് എത്രദിവസത്തെ ഡേറ്റാണ് വേണ്ടതെന്ന കാര്യത്തിലാണ് പ്രധാനമായും അവ്യക്തതയുള്ളത്
കൊച്ചി: സിനിമാ തര്ക്കത്തില് അനുരഞ്ജനത്തിന് വഴിയൊരുക്കിക്കൊണ്ട് ഷെയ്ന് നിഗം അമ്മ ജനറല് സെക്രട്ടറി ഇടവേള ബാബുവുമായി ഇന്നലെ കൂടിക്കാഴ്ച നടത്തി. അമ്മ ഭാരവാഹിയായ നടന് സിദ്ധിക്കും പങ്കെടുത്തു. മുടങ്ങിക്കിടക്കുന്ന സിനിമകള് പൂര്ത്തീകരിക്കാന് തയ്യാറാണെന്ന് ഷെയ്ന് നിഗം അമ്മ ഭാരവാഹികള്ക്ക് ഉറപ്പു നല്കി. വിഷയവുമായി ബന്ധപ്പെട്ട് തനിക്ക് പറയാനുള്ളതെല്ലാം ഷെയ്ന് വിശദമായി അവതരിപ്പിച്ചു. ഷെയ്ന് പറഞ്ഞ കാര്യങ്ങളുമായി ബന്ധപ്പെട്ട് ഫെഫ്ക നേതൃത്വവുമായി അമ്മ ഭാരവാഹികള് രണ്ടു ദിവസത്തിനകം ചര്ച്ച നടത്തും. വെയില് എന്ന സിനിമക്ക് എത്രദിവസത്തെ ഡേറ്റാണ് വേണ്ടതെന്ന കാര്യത്തിലാണ് പ്രധാനമായും അവ്യക്തതയുള്ളത്. 15 ദിവസമാണ് നേരത്തെ നടന്ന ഒത്തുതീര്പ്പു ചര്ച്ചയില് സംവിധായകന് ആവശ്യപ്പെട്ടതെങ്കിലും സെറ്റിലെത്തിയപ്പോള് 24 ദിവസത്തെ ഷൂട്ട് വേണമെന്ന് സംവിധായകന് പറയുന്നിടത്ത് നിന്നാണ് പ്രശ്നങ്ങള് വീണ്ടും തുടങ്ങിയതെന്നാണ് പറയുന്നത്.
സിനിമയുടെ കുറേയധികം ഭാഗങ്ങള് ചിത്രീകരിക്കാനുണ്ടെന്നും സംവിധായകന് പറഞ്ഞ സമയത്ത് സിനിമ തീര്ക്കാന് എത്രശ്രമിച്ചാലും സാധ്യമാകില്ലെന്നുമാണ് ഷെയ്ന് പറയുന്നത്. ഇക്കാര്യത്തില് ഫെഫ്ക നേതൃത്വം സംവിധായകനുമായി ആശയവിനിമയം നടത്തിയ ശേഷം അമ്മ ജനറല് സെക്രട്ടറിയെ കാര്യങ്ങള് ധരിപ്പിക്കും. ഇക്കാര്യങ്ങളില് വ്യക്തത വന്ന ശേഷമാകും നിര്മാതാക്കളുടെ സംഘടനയുമായി ചര്ച്ച നടത്തുക.നേരത്തെ ചെയ്തത് പോലെ ഷെയ്ന് നിഗവും സംവിധായകനും നിര്മാതാവും ഒന്നിച്ചിരുന്നുള്ള ചര്ച്ച ആവശ്യമില്ലെന്നാണ് അമ്മ നേതൃത്വത്തിന്റെ നിലപാട്. വിവിധ സംഘടനകളുടെ നേതൃത്വമായിരിക്കും ഇക്കാര്യത്തില് പരസ്പരം ചര്ച്ച നടത്തി തീരുമാനം കൈക്കൊള്ളുക. തീരുമാനം അംഗീകരിക്കാന് ഷെയ്ന് നിഗം പൂര്ണ സന്നദ്ധത അറിയിച്ചിട്ടുണ്ട്.
RELATED STORIES
കാസര്കോട് മോക്പോളില് ബിജെപിക്ക് അധിക വോട്ട് കിട്ടിയിട്ടില്ല;...
18 April 2024 10:13 AM GMTലോക്സഭാ തിരഞ്ഞെടുപ്പ്; നാലാംഘട്ട വിജ്ഞാപനം പുറത്തിറക്കി തിരഞ്ഞെടുപ്പ് ...
18 April 2024 10:10 AM GMTഗസ കൂട്ടക്കുരുതിയെ സഹായിക്കുന്നതിനെതിരെ ഗൂഗിള് ഓഫിസുകളിൽ വൻ സമരം;...
18 April 2024 10:05 AM GMTറിക്രൂട്ടിങ് ലൈസന്സ് ഇല്ലാതെ യുവതിയെ വിദേശത്തേക്ക് ജോലിക്കായി അയച്ച...
18 April 2024 9:57 AM GMTകാസര്കോട്ട് മോക്പോളില് ബിജെപിക്ക് അധികവോട്ട്; പരിശോധനയ്ക്ക്...
18 April 2024 9:30 AM GMTമകളുടെ അപകടമരണം: പോപുലര് ഫ്രണ്ട് മുന് ചെയര്മാന് ഒ എം എ സലാമിന്...
18 April 2024 9:05 AM GMT