Kerala

കൊവിഡ്-19: അബ്കാരി തൊഴിലാളി ക്ഷേമനിധി അംഗങ്ങള്‍ക്ക് 2 മാസത്തെ പെന്‍ഷനും; 5,000 രൂപ ധനസഹായവും

ധനസഹായത്തിനും വായ്പയ്ക്കുമായി അംഗങ്ങള്‍ അപേക്ഷിക്കണം.അപേക്ഷ ഇ-മെയില്‍ മുഖാന്തിരം തിരിച്ചറിയല്‍ രേഖകളും ബാങ്ക് അക്കൗണ്ടും നിര്‍ബന്ധം. കൊവിഡ് 19 കാരണം ലോക്ക് ഡൗണ്‍ ചെയ്ത ബാറുകളിലെ അബ്കാരി തൊഴിലാളി ക്ഷേമനിധി അംഗങ്ങള്‍ക്ക് ആശ്വാസമായി 5000 രൂപ വീതം ധനസഹായം നല്‍കും. 10000 രൂപ വായ്പയായി അനുവദിക്കുന്നതിനും തീരുമാനിച്ചു.

കൊവിഡ്-19: അബ്കാരി തൊഴിലാളി ക്ഷേമനിധി അംഗങ്ങള്‍ക്ക് 2 മാസത്തെ പെന്‍ഷനും; 5,000 രൂപ ധനസഹായവും
X

കൊച്ചി: അബ്കാരി തൊഴിലാളി ക്ഷേമനിധി അംഗങ്ങള്‍ക്ക് രണ്ട് മാസത്തെ പെന്‍ഷന്‍ ഒരുമിച്ച് കൊടുക്കുന്നതിന് ബോര്‍ഡ് ചെയര്‍മാന്‍ സി കെ മണിശങ്കറിന്റെ നേതൃത്വത്തിലുള്ള ബോര്‍ഡ് തീരുമാനിച്ചു. ഏപ്രില്‍ മാസത്തെ പെന്‍ഷന്‍ അഡ്വാന്‍സായി നല്‍കും. മന്ത്രി ടി പി രാമകൃഷ്ണന്റെ നിര്‍ദേശപ്രകാരം ക്ഷേമനിധി അംഗങ്ങള്‍ക്ക് ആശ്വാസമെത്തിക്കാനുള്ള നടപടികള്‍ സ്വീകരിച്ചിട്ടുണ്ടെന്ന് സി കെ മണിശങ്കര്‍ അറിയിച്ചു.കൊവിഡ് 19 കാരണം ലോക്ക് ഡൗണ്‍ ചെയ്ത ബാറുകളിലെ അബ്കാരി തൊഴിലാളി ക്ഷേമനിധി അംഗങ്ങള്‍ക്ക് ആശ്വാസമായി 5000 രൂപ വീതം ധനസഹായം നല്‍കും.

10000 രൂപ വായ്പയായി അനുവദിക്കുന്നതിനും തീരുമാനിച്ചു.അടച്ച ബാറുകളില്‍ നിലവില്‍ ജോലി ചെയ്ത വന്നിരുന്നവരായിരുന്നെന്ന് തെളിയിക്കുന്ന രേഖ സഹിതം (തിരിച്ചറിയല്‍ കാര്‍ഡ്, ബാങ്ക് അക്കൗണ്ട് രേഖകള്‍ സഹിതം) ക്ഷേമനിധി അംഗങ്ങള്‍ അതത് മേഖലാ വെല്‍ഫെയര്‍ ഫണ്ട് ഇന്‍സ്പെക്ടര്‍മാരുടെ ഇ-മെയില്‍ വിലാസത്തിലേക്ക് അപേക്ഷ സമര്‍പ്പിക്കണം.തുക ഏപ്രില്‍ മാസം എട്ടാം തിയതിക്കു മുന്‍പായി വിതരണം ചെയ്യും. അപേക്ഷ സമര്‍പ്പിക്കേണ്ട ഇ-മെയില്‍ വിലാസങ്ങള്‍ യഥാക്രമം. കോഴിക്കോട് kawwfb.kkd@gmail.com,എറണാകുളം abkariekm@gmail.com,തിരുവനന്തപുരം abkari.tvpm@gmail.com

Next Story

RELATED STORIES

Share it