കോവിഡ്-19: എറണാകുളത്ത് 11 പേരുടെ പരിശോധന ഫലം കൂടി നെഗറ്റീവ്; കളമശേരി മെഡിക്കല് കോളജില് നിയന്ത്രണം
ആലപ്പുഴ വൈറോളജി ഇന്സ്റ്റിറ്റ്യൂട്ടില് നടത്തിയ പിരശോധനയിലാണ് 11 പേര്ക്ക് കൂടി കൊറോണ ബാധയില്ലെന്ന് കണ്ടെത്തിയത്.ഐസോലേഷന് വാര്ഡില് കൊറോണ പരിശോധകരുടെ എണ്ണം വര്ധിച്ച സാഹചര്യത്തില് കളമശേരി മെഡിക്കല് കോളജില് ഒ പി സമയത്തില് നിയന്ത്രണം ഏര്പ്പെടുത്തിയതായി മെഡിക്കല് കോളജ് പ്രിന്സിപ്പല് അറിയിച്ചു
കൊച്ചി : കോവിഡി-19 രോഗബാധ സംശയിച്ച് എറണാകുളം ജില്ലയില് നിന്നും പരിശോധനക്കയച്ച 11 പേരുടെ സാമ്പിള് പരിശോധനം ഫലം കൂടി നെഗറ്റീവാണെന്ന് കണ്ടെത്തി.ആലപ്പുഴ വൈറോളജി ഇന്സ്റ്റിറ്റ്യൂട്ടില് നടത്തിയ പിരശോധനയിലാണ് 11 പേര്ക്ക് കൂടി കൊറോണ ബാധയില്ലെന്ന് കണ്ടെത്തിയത്.ഐസോലേഷന് വാര്ഡില് കൊറോണ പരിശോധകരുടെ എണ്ണം വര്ധിച്ച സാഹചര്യത്തില് കൂടുതല് ഡോക്ടര്മാരുടെയും ജീവനക്കാരുടെയും സേവനം ആവശ്യമായതിനാല് ആശുപത്രിയിലെ തിരക്ക് കുറയ്ക്കുന്നതിനായി കളമശേരി മെഡിക്കല് കോളജില് നിയന്ത്രണം ഏര്പ്പെടുത്തിയതായി മെഡിക്കല് കോളജ് പ്രിന്സിപ്പല് അറിയിച്ചു.
ഇനി മുതല് ഒ പി രാവിലെ എട്ടു മണി മുതല് പത്തു മണി വരെ മാത്രമേ പ്രവര്ത്തിക്കു. കടുത്ത രോഗം ഇല്ലാത്തവരും അടിയന്തര സാഹചര്യമില്ലാത്തവരും മെഡിക്കല് കോളജില് എത്തരുതെന്നും പ്രിന്സിപ്പല് അറിയിച്ചു. അടിയന്തര ശസ്ത്രക്രിയകള് മാത്രമേ ഈ ദിവസങ്ങളില് നടത്തുകയുള്ളു. വാര്ഡുകളിലും രോഗികളുടെ എണ്ണം കുറക്കാന് പ്രിന്സിപ്പല് നിര്ദേശം നല്കിയിട്ടുണ്ട്. രോഗിക്കൊപ്പം കൂട്ടിരിക്കാനായി ഒരാളെ മാത്രമേ അനുവദിക്കുകയുള്ളു. വൈകിട്ട് നാലു മുതല് ഏഴു മണി വരെ അനുവദിച്ചിരുന്ന സൗജന്യ പാസ്് താല്കാലികമായി നിര്ത്തലാക്കി. 10 രൂപയുടെ പാസ് ഉച്ചക്ക് 12 മുതല് ഒരു മണി വരെ മാത്രമേ നല്കുകയുള്ളുവെന്നും മെഡിക്കല് കോളജ് പ്രിന്സിപ്പല് ഡോ. തോമസ് മാത്യു അറിയിച്ചു.
RELATED STORIES
കോഴിക്കോട് ഐസിയു പീഡനക്കേസ്; അതിജീവിത കമ്മിഷണർ ഓഫീസിന് മുമ്പിൽ സമരം...
18 April 2024 12:35 PM GMTപ്രമേഹം കൂട്ടി ജാമ്യം ലഭിക്കാൻ കെജ്രിവാൾ ജയിലിൽ മാങ്ങയും മധുരവും...
18 April 2024 12:34 PM GMTകാസര്കോട് മോക്പോളില് ബിജെപിക്ക് അധിക വോട്ട് കിട്ടിയിട്ടില്ല;...
18 April 2024 10:13 AM GMTലോക്സഭാ തിരഞ്ഞെടുപ്പ്; നാലാംഘട്ട വിജ്ഞാപനം പുറത്തിറക്കി തിരഞ്ഞെടുപ്പ് ...
18 April 2024 10:10 AM GMTഗസ കൂട്ടക്കുരുതിയെ സഹായിക്കുന്നതിനെതിരെ ഗൂഗിള് ഓഫിസുകളിൽ വൻ സമരം;...
18 April 2024 10:05 AM GMTറിക്രൂട്ടിങ് ലൈസന്സ് ഇല്ലാതെ യുവതിയെ വിദേശത്തേക്ക് ജോലിക്കായി അയച്ച...
18 April 2024 9:57 AM GMT