കൊറോണ: മൂന്നുവയസുള്ള കുട്ടിയുടെ ആരോഗ്യ നില തൃപ്തികരം;കൂടുതല് ഐസൊലേഷന് വാര്ഡുകള് സജ്ജീകരിച്ചെന്ന് കലക്ടര്
കുട്ടിയുടെ മാതാപിതാക്കളും ഇവിടെ തന്നെ നിരീക്ഷണത്തിലാണ്. അടിയന്തര സാഹചര്യങ്ങള് നേരിടുന്നതിനായി ജില്ലയിലെ വിവിധ സ്വകാര്യ ആശുപത്രികളിലും സര്ക്കാര് ആശുപത്രികളിലും കൂടുതല് ഐസൊലേഷന് വാര്ഡുകള് സജ്ജീകരിച്ചിട്ടുണ്ട്. മാസ്ക്കുകള്ക്കും മറ്റ് മെഡിക്കല് ഉല്പന്നങ്ങള്ക്കും അമിതവില ഈടാക്കുന്നവര്ക്കെതിരെ ശക്തമായ നടപടികള് സ്വീകരിക്കാന് ഉത്തരവ് നല്കിയിട്ടുണ്ട്. വിദ്യാഭ്യാസ സ്ഥാപനങ്ങള്, ആരാധനാലയങ്ങള്, ആളുകള് കൂടാന് സാധ്യതയുള്ള സ്വകാര്യചടങ്ങുകള് എന്നിവയ്ക്കെല്ലാം നിലവിലെ സംസ്ഥാന സര്ക്കാരിന്റെ മാര്ഗ്ഗനിര്ദ്ദേശങ്ങള് ബാധകമാണെന്നും ജില്ലാ കലക്ടര് വ്യക്തമാക്കി
കൊച്ചി:എറണാകുളം ജില്ലയില് രോഗബാധ സ്ഥിരീകരിച്ച് കളമശേരി മെഡിക്കല് കോളജില് കഴിയുന്ന മൂന്ന് വയസുള്ള കുട്ടിയുടെ ആരോഗ്യനില തൃപ്തികരമാണെന്ന് ജില്ലാ കലക്ടര് എസ് സുഹാസ് വാര്ത്താ സമ്മേളനത്തില് വ്യക്തമാക്കി.കുട്ടിയുടെ മാതാപിതാക്കളും ഇവിടെ തന്നെ നിരീക്ഷണത്തിലാണ്. അടിയന്തര സാഹചര്യങ്ങള് നേരിടുന്നതിനായി ജില്ലയിലെ വിവിധ സ്വകാര്യ ആശുപത്രികളിലും സര്ക്കാര് ആശുപത്രികളിലും കൂടുതല് ഐസൊലേഷന് വാര്ഡുകള് സജ്ജീകരിച്ചിട്ടുണ്ട്.
മാസ്ക്കുകള്ക്കും മറ്റ് മെഡിക്കല് ഉല്പന്നങ്ങള്ക്കും അമിതവില ഈടാക്കുന്നവര്ക്കെതിരെ ശക്തമായ നടപടികള് സ്വീകരിക്കാന് ഉത്തരവ് നല്കിയിട്ടുണ്ട്. വിദ്യാഭ്യാസ സ്ഥാപനങ്ങള്, ആരാധനാലയങ്ങള്, ആളുകള് കൂടാന് സാധ്യതയുള്ള സ്വകാര്യചടങ്ങുകള് എന്നിവയ്ക്കെല്ലാം നിലവിലെ സംസ്ഥാന സര്ക്കാരിന്റെ മാര്ഗ്ഗനിര്ദ്ദേശങ്ങള് ബാധകമാണെന്നും ജില്ലാ കലക്ടര് വ്യക്തമാക്കി.കോവിഡ് 19 രോഗബാധയുടെ പശ്ചാത്തലത്തില് നെടുമ്പാശേരി രാജ്യാന്തര വിമാനത്താവളത്തില് സുരക്ഷാ പരിശോധന കര്ശനമാക്കിയതായി ജില്ലാ കലക്ടര് എസ് സുഹാസ് അറിയിച്ചു. രാജ്യന്തര ടെര്മിനലില് യൂനിവേഴ്സല് സ്ക്രീനിംഗിന് പുറമേ യാത്രക്കാര് അവരുടെ യാത്ര വിവരങ്ങള് വെളിപ്പെടുത്തേണ്ടതും നിര്ബ്ബന്ധമാക്കിയിട്ടുണ്ട്. സെല്ഫ് ഡിക്ലറേഷന് ഫോം നിര്ബ്ബന്ധമായും യാത്രക്കാര് പൂരിപ്പിച്ച് നല്കണം.
ഫ്ളാഷ് തെര്മോമീറ്റര് ഉപയോഗിച്ച് എല്ലാ യാത്രികരുടെയും ശരീര ഊഷ്മാവ് പരിശോധിക്കുന്നുണ്ട്. ആഭ്യന്തര ടെര്മിനലില് എത്തുന്നവരുടെയും വിശദാംശങ്ങള് അധികൃതര് ചോദിച്ച് മനസ്സിലാക്കിയ ശേഷമാണ് ഇവരെ പുറത്തേക്കയക്കുന്നത്. രോഗബാധയുടെ പശ്ചാത്തലത്തില് സംസ്ഥാന സര്ക്കാര് പുറപ്പെടുവിച്ചിട്ടുള്ള നിര്ദ്ദേശങ്ങള് ജില്ലയില് കര്ശനമായി പാലിക്കുമെന്നും ജില്ലാ കലക്ടര് വാര്ത്താ സമ്മേളനത്തില് വ്യക്തമാക്കി.രാജ്യാന്തര ടെര്മിനലില് 10 സഹായ കേന്ദ്രങ്ങളും ആഭ്യന്തര ടെര്മിനലില് അഞ്ച് സഹായകേന്ദ്രങ്ങളുമാണ് പ്രവര്ത്തിക്കുന്നത്. വിമാനത്താവളത്തില് എത്തുന്ന യാത്രക്കാര് ആറ് മാസ കാലയളവിനുള്ളില് ഏതെങ്കിലും വിദേശരാജ്യങ്ങള് സന്ദര്ശ്ശിച്ചിട്ടുണ്ടോ എന്ന് പരിശോധിക്കുന്നുണ്ട്.
വിദേശ രാജ്യങ്ങള് സന്ദര്ശിച്ചിട്ടുള്ളവരുടെ ശരീര ഊഷ്മാവ് പരിശോധിക്കും. 12 ഡോക്ടര്മാര്, 12 നേഴ്സുമാര് 30 ജൂനിയര് ഹെല്ത്ത് ഇന്സ്പെക്ടര്മാര് എന്നിവര്ക്ക് പുറമേ ആവശ്യമായ മറ്റ് സ്റ്റാഫുകളെയും വിമാനത്താവളത്തില് നിയമിച്ചിട്ടുണ്ട്. റെയില്വേ സ്റ്റേഷനുകളിലും കൊച്ചി തുറമുഖത്തും സഹായ കേന്ദ്രങ്ങള് സജ്ജമാണ്. രോഗപ്രതിരോധ പ്രവര്ത്തനങ്ങളില് ഏര്പ്പെടുന്ന എല്ലാവര്ക്കും ആവശ്യമായ സുരക്ഷാ സംവിധാനങ്ങള് ഉറപ്പ് വരുത്തുമെന്നും ജില്ലാ കലക്ടര് അറിയിച്ചു.
കൊറണയുമായി ബന്ധപ്പെട്ട് എറണാകുളം ജില്ലയില് ഇന്ന് 71 പേരെ കൂടി നിരീക്ഷണത്തില് ആക്കിയതായി ആരോഗ്യവകുപ്പ് അധികൃതര് അറിയിച്ചു. നിരീക്ഷണ പട്ടികയില് നിന്ന് ഇന്നും ആരെയും ഒഴിവാക്കിയിട്ടില്ല. ഇന്ന് പുതിയതായി 6 പേരെക്കൂടി കളമശ്ശേരി മെഡിക്കല് കോളജിലെ ഐസൊലേഷന് വാര്ഡില് പ്രവേശിപ്പിച്ചു. ഐസൊലേഷന് വാര്ഡില് നിന്ന് 3 പേരെ ഇന്ന് ഡിസ്ചാര്ജ് ചെയ്തു. നിലവില് 23 പേര് ഇവിടെ നിരീക്ഷണത്തില് ഉണ്ട്. ജില്ലയില് ആകെ നിലവില് 347 പേരാണ് വീടുകളില് നിരീക്ഷണത്തില് ഉള്ളത്. ആലപ്പുഴ എന്ഐവി യിലേക്ക് ഇന്ന് 75 സാമ്പിളുകളാണ് പരിശോധനയ്ക്കായി അയച്ചത്.ജില്ലാ കണ്ട്രോള് റൂമിന്റെ സേവനം 04842368802 എന്ന നമ്പറില് ലഭ്യമാണെന്നും ആരോഗ്യവകുപ്പ് അധികൃതര് വ്യക്തമാക്കി.
RELATED STORIES
റിയാസ് മൗലവി വധം: ജനകീയ കണ്വന്ഷന് അനുമതി നിഷേധിച്ച് പോലിസ്
18 April 2024 12:52 PM GMTകോഴിക്കോട് ഐസിയു പീഡനക്കേസ്; അതിജീവിത കമ്മിഷണർ ഓഫീസിന് മുമ്പിൽ സമരം...
18 April 2024 12:35 PM GMTപ്രമേഹം കൂട്ടി ജാമ്യം ലഭിക്കാൻ കെജ്രിവാൾ ജയിലിൽ മാങ്ങയും മധുരവും...
18 April 2024 12:34 PM GMTഇറാന് പിടിച്ചെടുത്ത കപ്പലിലെ മലയാളി യുവതിയെ മോചിപ്പിച്ചു
18 April 2024 12:31 PM GMTകാസര്കോട് മോക്പോളില് ബിജെപിക്ക് അധിക വോട്ട് കിട്ടിയിട്ടില്ല;...
18 April 2024 10:13 AM GMTലോക്സഭാ തിരഞ്ഞെടുപ്പ്; നാലാംഘട്ട വിജ്ഞാപനം പുറത്തിറക്കി തിരഞ്ഞെടുപ്പ് ...
18 April 2024 10:10 AM GMT