ഷുക്കൂര് വധം: തലശേരി സെഷന്സ് കോടതിയിലെ തുടര്നടപടികള് ഹൈക്കോടതി സ്റ്റേ ചെയ്തു
കേസ് എറണാകുളത്തെ സിബിഐ പ്രത്യേക കോടതിയിലേക്ക് മാറ്റണമെന്നാവശ്യപ്പെട്ടു സിബിഐ സമര്പ്പിച്ച ഹരജിയിലാണ് കോടതി ഇടക്കാല ഉത്തരവ് പുറപ്പെടുവിച്ചത്. ഹൈക്കോടതിയില് സമര്പ്പിച്ചിട്ടുള്ള ഹരജി തീര്പ്പാക്കുന്നതുവരെയാണ് തലശേരി സെഷന്സ് കോടതിയിലെ തുടര് നടപടികള് സ്റ്റേ ചെയ്തത്
കൊച്ചി: അരിയില് ഷുക്കൂര് വധക്കേസില് തലശേരി സെഷന്സ് കോടതിയിലെ തുടര്നടപടികള് ഹൈക്കോടതി സ്റ്റേ ചെയ്തു. കേസ് എറണാകുളത്തെ സിബിഐ പ്രത്യേക കോടതിയിലേക്ക് മാറ്റണമെന്നാവശ്യപ്പെട്ടു സിബിഐ സമര്പ്പിച്ച ഹരജിയിലാണ് കോടതി ഇടക്കാല ഉത്തരവ് പുറപ്പെടുവിച്ചത്. ഹൈക്കോടതിയില് സമര്പ്പിച്ചിട്ടുള്ള ഹരജി തീര്പ്പാക്കുന്നതുവരെയാണ് തലശേരി സെഷന്സ് കോടതിയിലെ തുടര് നടപടികള് സ്റ്റേ ചെയ്തത്.സിബിഐയുടെ വാദത്തെ സംസ്ഥാന സര്ക്കാര് കോടതിയില് എതിര്ത്തു. സിബിഐക്ക് കേസില് പ്രത്യേക താല്പര്യങ്ങള് ഉള്ളതുകൊണ്ടാണ് വിചാരണ കോടതി മാറ്റാന് ആവശ്യപ്പെടുന്നതെന്നു സര്ക്കാര് കോടതിയില് ബോധിപ്പിച്ചു. കൊലപാതക കേസുകള് പരിഗണിക്കാനുള്ള അധികാരം സെഷന്സ് കോടതികള്ക്കുണ്ടെന്നും സിബിഐ ക്ക് പ്രത്യേക താല്പര്യമുള്ളതുകൊണ്ടാണ് ഇത്തരത്തിലൊരു ഹരജി സമര്പ്പിച്ചതെന്നും സര്ക്കാര് ഭാഗം ആരോപിച്ചു.
കേസിലെ എതിര്കക്ഷികള്ക്ക് വിശദീകരണം ബോധിപ്പിക്കുന്നതിനു കോടതി നോട്ടിസ് പുറപ്പെടുവിച്ചു. സിപിഎം നേതാവ് പി ജയരാജന്, ടി വി രാജേഷ് എംഎല്എ എന്നിവര് കേസില് പ്രതികളായി സിബിഐ കുറ്റപത്രം തലശേരി സെഷന്സ് കോടതിയില് സമര്പ്പിച്ചു. എന്നാല് സിബിഐ കേസുകളുടെ കുറ്റപത്രം സ്വീകരിക്കാനുള്ള യോഗ്യത സംബന്ധിച്ചു ഹൈക്കോടതി വ്യക്തത വരുത്തിയാല് മാത്രമേ സ്വീകരിക്കാനാവൂവെന്നു തലശേരി സെഷന്സ് കോടതി ചൂണ്ടിക്കാട്ടുകയായിരുന്നു. ഇതേ തുടര്ന്നാണ് സിബിഐ ഹൈക്കോടതിയെ സമീപിച്ചത്. വിചാരണ നടപടികള് സിബിഐ കോടതിയിലേക്ക് മാറ്റുന്നതിനെ ജയരാജന് ഉള്പ്പെടെയുള്ള പ്രതികള് എതിര്ത്തിരുന്നു. സിബിഐ അന്വേഷിക്കുന്ന കേസുകളുടെ വിചാരണ നടപടികള് സിബിഐ കോടതിയില് തന്നെ നടത്തണമെന്നു സുപ്രിംകോടതി വിധിയുണ്ടെന്നു സിബിഐ വ്യക്തമാക്കി. കേരളത്തില് നടന്നിട്ടുള്ള എല്ലാ കേസുകളുടെയും വിചാരണ നടപടികള് സിബിഐ കോടതിയില് മാത്രമേ നടത്തിയിട്ടുള്ളുവെന്നും സിബിഐ വ്യക്തമാക്കി. 2012 ഫെബ്രുവരി 20നാണ് യൂത്ത് ലീഗ് പ്രവര്ത്തകനായിരുന്ന അരിയില് ഷുക്കൂര് കൊല്ലപ്പെടുന്നത്.
RELATED STORIES
കട്ടപ്പനയിൽ കാട്ടുപന്നി കിണറ്റിൽ വീണു; വനം വകുപ്പ് ഉദ്യോഗസ്ഥരെത്തി...
20 April 2024 10:41 AM GMTത്രിപുരയില് വീണ്ടും വോട്ടെടുപ്പ് നടത്തണമെന്ന് ഇടതുമുന്നണി; പരാതിക്ക്...
20 April 2024 10:40 AM GMTതനിക്കെതിരെ എസ്എഫ്ഐ നടത്തിയത് പ്രതിഷേധമല്ല, ആക്രമണമാണ്: ഗവര്ണര്...
20 April 2024 10:34 AM GMTപക്ഷിപ്പനി; പഞ്ചായത്ത് തല സമിതികള് കൂടി മേല്നടപടികള് സ്വീകരിക്കും: ...
20 April 2024 10:30 AM GMTതൊഴിലാളികളെ രാഷ്ട്രീയവല്ക്കരിക്കും; എസ്ഡിടിയു സംസ്ഥാന പ്രതിനിധി...
20 April 2024 10:27 AM GMTനുണക്ക് സമ്മാനം കൊടുക്കുകയാണെങ്കിൽ ഒന്നാം സ്ഥാനം വിഡി സതീശന് കിട്ടും : ...
20 April 2024 10:26 AM GMT