പതാക കാവിയാക്കി; മഹാരാഷ്ട്ര നവനിര്മാണ് സേന തീവ്രഹിന്ദുത്വ പാതയിലേക്ക്
അധികാരത്തിലെത്താന് ഒറ്റയ്ക്ക് നിന്നാല് പോരെന്ന ബിജെപിയുടെ തിരിച്ചറിവാണ് എംഎന്എസിനെ കൂടെക്കൂട്ടാനുള്ള നീക്കത്തിന് പിന്നില്
മുംബൈ: തീവ്രഹിന്ദുത്വ നിലപാടില് നിന്ന് ശിവസേന പിന്നാക്കം പോയ സാഹചര്യത്തില് ബദല് ശക്തിയാകാനൊരുങ്ങി രാജ് താക്കറെയുടെ മഹാരാഷ്ട്ര നവനിര്മാണ് സേന. ഇതിന്റെ ഭാഗമായി പാര്ട്ടിയുടെ പുതിയ പതാക രാജ് താക്കറെ പുറത്തിറക്കി. പൂര്ണമായും കാവി നിറത്തിലുള്ളതാണ് പുതിയ പതാക. ശിവസേന സ്ഥാപകന് ബാല് താക്കറെയുടെ ജന്മദിനമായ ഇന്ന് നടന്ന മഹാ സമ്മേളനത്തിലാണ് പതാക മാറ്റം ഔദ്യോഗികമായി പ്രഖ്യാപിച്ചത്.
ഓറഞ്ച്, പച്ച, നീല എന്നീ നിറങ്ങളായിരുന്നു മഹാരാഷ്ട്ര നവനിര്മാണ് സേനയുടെ പതാകയിലുണ്ടായിരുന്നത്. ഇതാണ് പൂര്ണമായും കാവിയിലേക്ക് മാറിയിരിക്കുന്നത്. കാവി നിറം ആരുടെയും കുത്തകയല്ല. മഹാരാഷ്ട്രയുടെ നിറം തന്നെ കാവിയാണ്. ഞങ്ങളും കാവിയാണ്. ഈ പതാകമാറ്റം മഹാരാഷ്ട്രയ്ക്കാകെ പുതു ഊര്ജം പകരുമെന്നുറപ്പാണ്. മഹാരാഷ്ട്ര രാഷ്ട്രീയത്തില് പുതിയ വഴിത്തിരിവുകളും സാധ്യതകളുമുണ്ടാകും. പാര്ട്ടിയിലെ മുതിര്ന്ന നേതാവ് സന്ദീപ് ദേശ്പാണ്ഡെ പറഞ്ഞു.
ശിവസേനയുമായി ഉടക്കിപ്പിരിഞ്ഞ് 2006ലാണ് രാജ് താക്കറെ മഹാരാഷ്ട്ര നവനിര്മാണ് സേന രൂപീകരിച്ചത്. 2009ല് പാര്ട്ടിക്ക് 13 എംഎല്എമാരുണ്ടായി. എന്നാല് 2019ല് ഒരു സീറ്റില് മാത്രമാണ് വിജയം നേടാനായത്. ഈ സാഹചര്യത്തില് പാര്ട്ടിയെ പുതുക്കിയെടുക്കാനാണ് രാജ് താക്കറെയുടെ ശ്രമം. തീവ്രഹിന്ദുത്വ നിലപാടില് നിന്നുള്ള ശിവസേനയുടെ പിന്നോട്ട് പോക്ക് തങ്ങള്ക്ക് ഗുണം ചെയ്യുമെന്നും രാജ് താക്കറെ കണക്കുകൂട്ടുന്നു.
മുംബൈ, പൂനെ, നാസിക്, കൊങ്കണ് മേഖലകളില് മഹാരാഷ്ട്ര നവനിര്മാണ് സേന നിര്ണായക ശക്തിയാണ്. ബിജെപിയുമായി പാര്ട്ടി സഖ്യമുണ്ടാക്കുമെന്നും സൂചനയുണ്ട്. അധികാരത്തിലെത്താന് ഒറ്റയ്ക്ക് നിന്നാല് പോരെന്ന ബിജെപിയുടെ തിരിച്ചറിവാണ് എംഎന്എസിനെ കൂടെക്കൂട്ടാനുള്ള നീക്കത്തിന് പിന്നില്. ശിവസേനയുടെ സ്ഥാനത്തേക്ക് എംഎന്എസിനെ കൊണ്ടുവരികയെന്നതാണ് ബിജെപിയുടെ പദ്ധതി.
RELATED STORIES
ഫാത്തിമ തസ്കിയയ്ക്ക് ആയിരങ്ങളുടെ യാത്രാമൊഴി
20 April 2024 6:31 AM GMTപൗരത്വ സര്ട്ടിഫിക്കറ്റ് നല്കുന്നത് ആര്എസ്എസ് സംഘടന|THEJAS NEWS
5 April 2024 9:56 AM GMTഈരാറ്റുപേട്ട സ്കൂൾ സംഭവത്തിലെ സത്യമെന്ത്; പ്രതികരണവുമായി നാട്ടുകാർ
4 March 2024 6:44 AM GMTകോണ്ഗ്രസിനെ കൈവിട്ട് ഹിന്ദി ഹൃദയഭൂമി
3 Dec 2023 11:34 AM GMTഅതിരുകടന്ന രാഷ്ട്രീയ കോമാളിത്തം
15 Nov 2023 12:08 PM GMTആശുപത്രിക്ക് ബോംബിട്ടതാര്...?; തെളിവുകള് നിരത്തി യുഎസ് ആയുധ വിദഗ്ധന്
20 Oct 2023 1:01 PM GMT