പോസ്റ്ററില് ശ്രീരാമനായി രാഹുല്ഗാന്ധി: മതവികാരം വ്രണപ്പെടുത്തിയതിനു കേസ്
ഫെബ്രുവരി മൂന്നിന് ബീഹാറില് കോണ്ഗ്രസ് നടത്തുന്ന മെഗാറാലിക്ക് മുന്നോടിയായാണ് പോസ്റ്റര് പുറത്തിറക്കിയത്
പട്ന: കോണ്ഗ്രസ് അധ്യക്ഷന് രാഹുല് ഗാന്ധിയെ ശ്രീ രാമനായി ചിത്രീകരിച്ച് പോസ്റ്റര് പതിച്ചതിനെതിരേ പോലിസ് കേസെടുത്തു. മതവികാരം വ്രണപ്പെടുത്തിയതിനാണു രാഹുല് ഗാന്ധി, ബീഹാര് കോണ്ഗ്രസ് നേതാവ് മദന് മോഹന് ഝാ ഉള്പ്പടെ ആറു പേര്ക്കെതിരേ പട്ന സിവില് കോടതിയില് നല്കിയ പരാതിയുടെ അടിസ്ഥാനത്തില് കേസെടുത്തത്. ഫെബ്രുവരി മൂന്നിന് ബീഹാറില് കോണ്ഗ്രസ് നടത്തുന്ന മെഗാറാലിക്ക് മുന്നോടിയായാണ് പോസ്റ്റര് പുറത്തിറക്കിയത്. ശ്രീരാമന്റെ തലയ്ക്കു പകരം രാഹുല് ഗാന്ധിയുടെ തല ചേര്ത്താണ് പോസ്റ്ററിലുള്ളത്. 'അവര് രാമനാമം ജപിച്ചിരിക്കട്ടെ, താങ്കള് സ്വയം രാമനാകും' എന്നാണ് പോസ്റ്ററിലെ വാചകം. യുപിഎ അധ്യക്ഷ സോണിയ ഗാന്ധി, എഐസിസി ജനറല് സെക്രട്ടറി പ്രിയങ്ക ഗാന്ധി, മുന് പ്രധാനമന്ത്രി മന്മോഹന്സിങ് എന്നിവരുടെ ചിത്രങ്ങളും പോസ്റ്ററിലുണ്ട്. കൂടാതെ, കോണ്ഗ്രസിന്റെ സംസ്ഥാന നേതാക്കളും പോസ്റ്ററില് ഇടം നേടിയിരുന്നു. നേരത്തേ രാമനായി രാഹുലും രാവണനായി മോദിയും പോസ്റ്ററില് ഇടംപിടിച്ചിരുന്നു. കഴിഞ്ഞ നിയമസഭാ തിരഞ്ഞെടുപ്പിനു മുമ്പ് കണ്ണൂരില് സിപിഎം ജില്ലാ സെക്രട്ടറി പി ജയരാജനെ ശ്രീകൃഷ്ണനായും പിണറായി വിജയനെ അര്ജ്ജുനനായും ചിത്രീകരിയ്ക്കുന്ന ഫഌക്സ് ബോര്ഡുകള് ഏറെ വിവാദമായിരുന്നു. പിണറായി വിജയന് നയിക്കുന്ന നവകേരള യാത്രയ്ക്ക് അഭിവാദ്യം അര്പ്പിച്ച് അമ്പാടിമുക്കില് പ്രത്യക്ഷപ്പെട്ട ബോര്ഡ് കേരളരീഷ്ട്രീയത്തില് ഏറെ വിവാദമുയര്ത്തിയിരുന്നു.
RELATED STORIES
രാഹുല് പറഞ്ഞത് മുഖ്യമന്ത്രിയെ അറസ്റ്റ് ചെയ്യണമെന്ന...
19 April 2024 3:00 PM GMTഒന്നാംഘട്ടം 60.03 ശതമാനം പോളിങ്; ത്രിപുരയും ബംഗാളും മുന്നില്
19 April 2024 2:44 PM GMTയുദ്ധഭീതി; ഇസ്രായേലിലേക്കുള്ള വിമാന സര്വീസുകള് നിര്ത്തിവച്ച് എയര്...
19 April 2024 2:14 PM GMTഇസ്രായേലിന്റെ ആണവനിലയങ്ങള് അത്യാധുനിക ആയുധങ്ങളാല് തകര്ക്കുമെന്ന്...
19 April 2024 1:15 PM GMTമഹാരാഷ്ട്രയിൽ സ്വതന്ത്രനായി മത്സരിക്കാൻ പത്രിക നൽകി 'യമരാജൻ'
19 April 2024 10:50 AM GMTജോലിക്കിടയില് കാണാതായ ആലുവ ഹെഡ് പോസ്റ്റ് ഓഫിസ് ജീവനക്കാരനെ...
19 April 2024 10:49 AM GMT