ലോക്‌സഭാ തിരഞ്ഞെടുപ്പില്‍ മല്‍സരിക്കാനില്ലെന്ന് രജനീകാന്ത്

മധുരൈ: ആസന്നമായ ലോക്‌സഭാ തിരഞ്ഞെടുപ്പില്‍ മല്‍സരിക്കാനില്ലെന്ന് തമിഴ് സൂപര്‍സ്റ്റാര്‍ രജനീകാന്ത് പറഞ്ഞു. രജനീകാന്ത് 2018 പുതുവര്‍ഷരാത്രിയില്‍ രാഷ്ട്രീയപ്രവേശനം അറിയിക്കുകയും പാര്‍ട്ടി രൂപീകരിക്കുമെന്ന് ഡിസംബര്‍ 12നു നടന്ന ജന്‍മദിനാഘോഷ ചടങ്ങില്‍ പ്രഖ്യാപിക്കുകയും ചെയ്തിരുന്നു. തന്റെ ഫോട്ടോയോ പാര്‍ട്ടി ചിഹ്നമോ തിരഞ്ഞെടുപ്പിന് ഉപയോഗിക്കരുതെന്നും രജനീകാന്ത് പറഞ്ഞു. പെട്ടെന്ന് പാര്‍ട്ടി പ്രഖ്യാപനം നടത്താനോ കൊടി പരിചയപ്പെടുത്താനോ തയ്യാറല്ല. അതിന് കൂടുതല്‍ സാവകാശം വേണം. അതിന്റെ പ്രവര്‍ത്തനങ്ങള്‍ തുടരുകയാണെന്നും രജനീകാന്ത് പറഞ്ഞു.