മാവോവാദി വേട്ട: പോലിസുകാര്ക്കെതിരേ കൊലക്കുറ്റത്തിന് കേസെടുക്കണമെന്ന് 'പോരാട്ടം'
എഫ്ഐആര് രജിസ്റ്റര് ചെയ്യാതെ മജിസ്റ്റീരിയല് അന്വേഷണം നടത്താമെന്നാണ് സര്ക്കാര് പറയുന്നത്. അത് പ്രതികളെ രക്ഷപ്പെടുത്താനാനുള്ള നീക്കമാണ്, സുപ്രിം കോടതി വിധിയുടെ അന്തഃസത്തക്ക് വിരുദ്ധവുമാണ്
അട്ടപ്പാടി: പാലക്കാട് അട്ടപ്പാടിയില് 4 മാവോവാദികള് കൊല്ലപ്പെട്ട സംഭവത്തില് പോലിസുകാര്ക്കെതിരേ സുപ്രിം കോടതി നിര്ദേശമനുസരിച്ച് കൊലക്കുറ്റത്തിന് കേസെടുക്കണമെന്ന് പോരാട്ടം സംഘടന. നിലമ്പൂരും വൈത്തിരിയും സത്യമറിയാന് ജനങ്ങളെ അനുവദിച്ചില്ല. അട്ടപ്പാടിയില് അതങ്ങനെയാകാന് പാടില്ല. ഒരു ജനകീയ അന്വേഷണസംഘത്തിന് തെളിവെടുക്കാന് കഴിയുന്ന തരത്തില് പൊതുസമൂഹത്തിന്റെയും പുരോഗമന ജനാധിപത്യ ശക്തികളുടെയും ഇടപെടല് ഉണ്ടാകണമെന്നും പോരാട്ടം സംസ്ഥാന ജനറല് കൗണ്സില് പി പി ഷാന്റോലാല് പ്രസ്താവനയില് ആവശ്യപ്പെട്ടു.
'ജനാധിപത്യത്തില് കൊലയാളികളായ പോലീസിന്റ ഭാഷ്യം അവസാന വാക്ക് ആകരുത്. ജനാധിപത്യ ബോധമുള്ള സമൂഹം, മാധ്യമങ്ങള് എല്ലാം ഈ ആവശ്യം ഉയര്ത്തിപ്പിടിക്കുകയും നേടിയെടുക്കുകയും വേണം. കൊലയാളികള്ക്കെതിരെ സുപ്രിം കോടതി നിര്ദേശിച്ച രീതിയില് കൊലക്കുറ്റത്തിന് കേസ് രജിസ്റ്റര് ചെയ്ത് അന്വേഷിക്കണം.' അദ്ദേഹം പ്രസ്താവനയില് ആവശ്യപ്പെടുന്നു.
എഫ്ഐആര് രജിസ്റ്റര് ചെയ്യാതെ മജിസ്റ്റീരിയല് അന്വേഷണം നടത്താമെന്നാണ് സര്ക്കാര് പറയുന്നത്. അത് പ്രതികളെ രക്ഷപ്പെടുത്താനാനുള്ള നീക്കമാണ്, സുപ്രിം കോടതി വിധിയുടെ അന്തഃസത്തക്ക് വിരുദ്ധവുമാണ്. കേസ് രജിസ്റ്റര് ചെയ്തതിനു ശേഷമുള്ള സമാന്തര അന്വേഷണമായാണ് മജിസ്റ്റീരിയല് അന്വേഷണം നിര്ദേശിക്കപ്പെട്ടിട്ടുള്ളതെന്ന് ഷാന്റോ ലാല് ചൂണ്ടിക്കാട്ടി.
RELATED STORIES
പരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMTപട്നയില് ഹോട്ടലില് വന് തീപിടിത്തം; ആറുമരണം
25 April 2024 11:53 AM GMTജാവദേക്കര് ഇ പിയുമായി ചര്ച്ച നടത്തിയത് പിണറായിക്കു വേണ്ടി; സുധാകരന് ...
25 April 2024 11:24 AM GMTമസ്ജിദിനു നേരെ 'അമ്പെയ്ത' ഹൈദരാബാദിലെ ബിജെപി സ്ഥാനാര്ഥിയുടെ ആസ്തി 221 ...
25 April 2024 11:03 AM GMTതൃശ്ശൂർ പൂരത്തിനിടെ വിദേശ വ്ളോഗർമാർക്ക് നേരേ ലൈംഗികാതിക്രമം
25 April 2024 10:54 AM GMT41 ഡിഗ്രി സെൽഷ്യസ് വരെ താപനില ഉയരാൻ സാധ്യത, പാലക്കാട് ഉഷ്ണതരംഗ...
25 April 2024 10:52 AM GMT