ആലപ്പുഴയില്‍ അസാധാരണ വ്യതിയാനത്തോടെ കുട്ടി ജനിച്ച സംഭവം; പെര്‍മിറ്റില്ലാത്ത രണ്ട്‌ ലാബുകള്‍ പൂട്ടി

ആലപ്പുഴ: ഗര്‍ഭസ്ഥ ശിശുവിന്റെ ശരീരത്തിലെ അസ്വാഭാവികതകള്‍ കണ്ടെത്താന്‍ കഴിയാതിരുന്നപെര്‍മിറ്റില്ലാത്ത രണ്ട്‌ സ്‌കാനിങ് ലാബുകള്‍ ആരോഗ്യവകുപ്പ് പൂട്ടി സീല്‍ ചെയ്തു. കുഞ്ഞിന്റെ മാതാവിന് സ്‌കാനിംഗ് നടത്തിയ ആലപ്പുഴയിലെ ശങ്കേഴ്‌സ്, മിടാസ് എന്നീ ലാബുകളാണ് ആരോഗ്യവകുപ്പ് പൂട്ടി സീല്‍ ചെയ്തത്. സ്‌കാനിംഗിന്റെ റെക്കോര്‍ഡുകള്‍ രണ്ടു വര്‍ഷം സൂക്ഷിക്കണമെന്നാണ് നിബന്ധനയെങ്കിലും റെക്കോഡുകളൊന്നും കണ്ടെത്താനായില്ല. നിരവധി ക്രമക്കേടുകള്‍ കണ്ടെത്തിയതിനെ തുടര്‍ന്നാണ് ലാബുകള്‍ പൂട്ടാന്‍ തീരുമാനിച്ചതെന്ന് അധികൃതര്‍ അറിയിച്ചു.