ഇസ്രായേലില്‍ വീണ്ടും ഹൂത്തി ആക്രമണം; ബങ്കറിലേക്ക് ഓടുന്നതിനിടെ നാലു പേര്‍ക്ക് പരിക്ക്

സന്‍ആ: ഇസ്രായേലില്‍ വീണ്ടും മിസൈല്‍ ആക്രമണം നടത്തി യെമനിലെ ഹൂത്തികള്‍. ഹൈപ്പര്‍സോണിക് മിസൈലായ ഫലസ്തീന്‍-2 ആണ് ആക്രമണത്തിന് ഉപയോഗിച്ചതെന്ന് ഹൂത്തികളുടെ സൈനികവക്താവായ ബ്രിഗേഡിയര്‍ ജനറല്‍ യഹ്‌യാ സാരി അറിയിച്ചു. മിസൈലിനെ ഭയന്ന് ബങ്കറിലേക്ക് ഓടുന്നതിനിടെ നാലു ജൂതന്‍മാര്‍ക്ക് വീണ് പരിക്കേറ്റതായി ഇസ്രായേലി മാധ്യമങ്ങള്‍ റിപോര്‍ട്ട് ചെയ്തു. ആശങ്കയും പിരിമുറുക്കവും വന്നതിനാല്‍ ഒരാള്‍ക്ക് മനശാസ്ത്രജ്ഞനെ കാണേണ്ടിയും വന്നു.

ഗസ മുനമ്പിലെ സഹോദരങ്ങള്‍ക്കെതിരേ ഇസ്രായേല്‍ നടത്തുന്ന അതിക്രമങ്ങളില്‍ പ്രതിഷേധിച്ചാണ് മിസൈല്‍ ആക്രമണം നടത്തിയതെന്ന് ഹൂത്തികള്‍ വിശദീകരിച്ചു. ഗസയിലെ അധിനിവേശം നിര്‍ത്താതെ ഇസ്രായേലിന് എതിരാ ആക്രമണങ്ങള്‍ നിര്‍ത്തില്ലെന്നും അവര്‍ വ്യക്തമാക്കി.