പാര്ട്ടി നിലപാട് തള്ളി; സര്ക്കാര് കന്യാസ്ത്രീകളുടെ സമരത്തിനൊപ്പം: ഇപി ജയരാജന്
BY MTP21 Sep 2018 6:28 AM GMT
X
MTP21 Sep 2018 6:28 AM GMT
തിരുവനന്തപുരം: ബിഷപ്പ് ഫ്രാങ്കോ മുളയ്ക്കലിനെ അറസ്റ്റ് ചെയ്യണമെന്നാവശ്യപ്പെട്ട് കന്യാസ്ത്രീകളുടെ നേതൃത്വത്തില് നടത്തുന്ന സമരം ദുരുദ്ദേശപരവും രാഷ്ട്രീയ പ്രചാരണത്തിന്റെ ഭാഗമാണെന്നും ഉള്ള സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന് നിലപാട് തള്ളി മന്ത്രി ഇപി ജയരാജന്. കന്യാസ്ത്രീകളുടെ സമരത്തിന് ഒപ്പമാണ് സര്ക്കാരെന്ന് മന്ത്രി പറഞ്ഞു.
അന്വേഷണം കൃത്യമായ ദിശയില് നടക്കുന്നുണ്ട്. തെറ്റ് ചെയ്തവരെ നിയമത്തിന്റെ മുന്നില് കൊണ്ടുവരും . കോടിയേരിയുടെ നിലപാട് അദ്ദേഹത്തിനോട് ചോദിക്കണമെന്നും ഇപി ജയരാജന് പറഞ്ഞു. കോടിയേരിക്ക് മറുപടിയുമായി നേരത്തെ സമരസമിതിയും രംഗത്തെത്തിയിരുന്നു.
സമരചരിത്രം സിപിഎം മറക്കരുതെന്ന് സമരസമിതി കണ്വീനര് ഫാദര് അഗസ്റ്റിന് വട്ടോളി പറഞ്ഞു. മാര്പാപ്പ തള്ളിപ്പറഞ്ഞ വ്യക്തിയെയാണ് സിപിഎം സംരക്ഷിക്കാന് ശ്രമിക്കുന്നതെന്നും പ്രസ്താവന അങ്ങേയറ്റം വേദനാജനകമാണെന്നും സമരസമിതി അംഗങ്ങള് പ്രതികരിച്ചു. അതേസമയം, ബിഷപ്പിന്റെ അറസ്റ്റ് സംബന്ധിച്ച അനിശ്ചിതത്വം തുടരുന്നതിനിടെയാണ് ചോദ്യം ചെയ്യല് മൂന്നാം ദിവസത്തിലേക്ക് കടക്കുന്നത്.
Next Story