റോണോയോ മോഡ്രിച്ചോ സലാഹോ ഇത്തവണ ബാലന്‍ദിയോര്‍ ആര്‍ക്ക്

സൂറിച്ച്: ഫിഫയുടെ മികച്ച താരത്തിനായുള്ള അന്തിമ പട്ടികയില്‍ ഇനി അവശഷിക്കുന്നത് മൂന്നുപേര്‍ മാത്രം. യുവേഫയുടെ അന്തിമപ്പട്ടികയില്‍ അവസാന മൂന്ന് പേരായി ഉള്‍പ്പെട്ടിരുന്ന ക്രിസ്റ്റ്യാനോ റൊണാള്‍ഡോ, ലൂക്കാ മോഡ്രിച്ച്, മുഹമ്മദ് സലാഹ് എന്നിവരാണ് മികച്ച ഫുട്‌ബോളര്‍ക്ക് വേണ്ടി മല്‍സരിക്കുന്നത്.. ഇതില്‍ നിന്ന് അര്‍ജന്റീനയുടെ സൂപ്പര്‍ താരം ലയണല്‍ മെസി പുറത്തായി.നേരത്തെ യുവേഫ മികച്ച താരത്തിനുള്ള പുരസ്‌കാരം പുരസ്‌കാരം സ്വന്തമാക്കിയത് മോഡ്രിച്ചായിരുന്നു. ബ്രസീല്‍ താരം റൊണാള്‍ഡോ, ഫാബിയോ കാപ്പെല്ലോ, ഫ്രാങ്ക് ലാംപാര്‍ഡ് എന്നിവരടങ്ങിയ സമിതി ജൂലൈ 24ന് പത്തംഗ പട്ടിക പ്രഖ്യാപിച്ചിരുന്നു. ഇതില്‍ നിന്ന് നടത്തിയ വോട്ടെടുപ്പിലാണ് മൂന്ന് പേരുടെ അന്തിമ പട്ടിക പ്രഖ്യാപിച്ചത്.