നാലുവയസ്സുകാരിയെ തട്ടിയെടുത്ത് ബലാല്‍സംഗം ചെയ്തു കൊന്നു

ചണ്ഡീഗഡ്: ഹരിയാനയില്‍ നാലു വയസ്സുകാരിയായ ബാലികയെ തട്ടിക്കൊണ്ടുപോയി ബലാല്‍സംഗം ചെയ്ത ശേഷം കുത്തിക്കൊലപ്പെടുത്തി. തുടര്‍ന്ന് മൃതദേഹം വീട്ടിനുള്ളിലെ പെട്ടിക്കുള്ളില്‍ ഒളിപ്പിച്ചു. ഫരീദാബാദ് ജില്ലയിലെ അസൗടി ഗ്രാമത്തില്‍ വ്യാഴാഴ്ചയാണു സംഭവം. കുട്ടിയുടെ പിതാവിന്റെ മധുരപലഹാരക്കടയിലെ ജീവനക്കാരനായ ഭോല(24) എന്നയാളാണ് കുട്ടിയെ ബലാല്‍സംഗം ചെയ്ത—ത്.
ഉച്ചയ്ക്ക് 1.30ഓടെ ഭോല കടയില്‍ നിന്നിറങ്ങുകയും വീട്ടില്‍ കൊണ്ടുപോയി വിടാമെന്നു പറഞ്ഞ് കുട്ടിയെ ഒപ്പം കൊണ്ടുപോവുകയുമായിരുന്നു. എന്നാല്‍ ഏറെ വൈകീട്ടും ഭോലയെയോ കുട്ടിയെയോ കാണാത്തതിനെ തുടര്‍ന്ന് ഗ്രാമവാസികള്‍ ഭോലയുടെ വീട്ടിലെത്തി തിരച്ചില്‍ നടത്തി. തുടര്‍ന്നാണ് വീട്ടിനുള്ളിലെ വലിയ പെട്ടിയില്‍ കുട്ടിയുടെ മൃതദേഹം കണ്ടെത്തിയത്. കൊല്ലപ്പെടുന്നതിനു മുമ്പ് കുട്ടി ബലാല്‍സംഗത്തിന് ഇരയായിട്ടുണ്ടെന്ന് വൈദ്യപരിശോധനയില്‍ വ്യക്തമായിട്ടുണ്ട്. ഇയാളെ പോലിസ് അറസ്റ്റ് ചെയ്തു.

RELATED STORIES

Share it
Top