കൊടുങ്കാറ്റ്; മരണം 60 കവിഞ്ഞു, വീണ്ടും കാറ്റിന് സാധ്യത


ന്യൂഡല്‍ഹി: ശക്തമായ കൊടുങ്കാറ്റിലും മഴയിലും രാജ്യത്തെ വിവിധ സംസ്ഥാനങ്ങളില്‍ മരിച്ചവരുടെ എണ്ണം 60 കവിഞ്ഞു. ഉത്തര്‍പ്രദേശില്‍ മാത്രം 38 പേര്‍ മരിച്ചു. ആന്ധ്രയില്‍ എട്ടും തെലങ്കാനയില്‍ മൂന്നും പേര്‍ മരിച്ചു. പശ്ചിമ ബംഗാളില്‍ കുട്ടികള്‍ ഉള്‍പ്പെടെ 12 പേര്‍ക്കും ഡല്‍ഹിയില്‍ അഞ്ചു പേര്‍ക്കുമാണ് ജീവഹാനി നേരിട്ടത്. ശക്തമായ കാറ്റിലും ഇടിമിന്നലിലും മഴയിലും മതിലുകള്‍ ഇടിഞ്ഞുവീഴുകയും മരങ്ങള്‍ കടപുഴകുകയും ചെയ്തു.  വടക്കുപടിഞ്ഞാറന്‍ ഇന്ത്യയില്‍ അടുത്ത 48 മുതല്‍ 72 മണിക്കൂറിനുള്ളില്‍ ശക്തമായ കാറ്റിനും മറ്റു കാലാവസ്ഥാ പ്രതിഭാസങ്ങള്‍ക്കും സാധ്യതയുണ്ടെന്ന് കാലാവസ്ഥാ വിഭാഗം അറിയിച്ചു.
ദേശീയ തലസ്ഥാനത്ത് ഞായറാഴ്ച വൈകുന്നേരത്തോടെയാണ് പൊടിക്കാറ്റ് ആഞ്ഞടിച്ചത്. മണിക്കൂറില്‍ 109 കിലോമീറ്റര്‍ വേഗത്തിലാണ് കാറ്റടിച്ചത്. തുടര്‍ന്ന് മഴയും പെയ്തു. കാലാവസ്ഥയിലുണ്ടായ മാറ്റത്തെ തുടര്‍ന്ന് 10 ആഭ്യന്തര വിമാനങ്ങള്‍ വഴിതിരിച്ചുവിട്ടു.
MTP

MTP

Our Contributor help bring you the latest article around you


RELATED STORIES

Share it
Top