ഹാന്വീവിന് ലക്ഷ്യബോധത്തോടെയുള്ള പദ്ധതികള്: മന്ത്രി മൊയ്തീന്
BY kasim kzm18 Jun 2018 1:57 AM GMT
kasim kzm18 Jun 2018 1:57 AM GMT
കൊച്ചി: കേരള സംസ്ഥാന കൈത്തറി വികസന കോര്പറേഷന്റെ (ഹാന്വീവ്) വളര്ച്ചയ്ക്കു ലക്ഷ്യബോധത്തോടെയുള്ള വിവിധ പദ്ധതികളാണു സര്ക്കാര് ആസൂത്രണം ചെയ്യുന്നതെന്നു മന്ത്രി എ സി മൊയ്തീന്. ഹാന്വീവ് 50 വര്ഷങ്ങള് പൂര്ത്തിയാക്കുന്നതിന്റെ ഭാഗമായുള്ള സുവര്ണ ജൂബിലി ആഘോഷങ്ങളും എറണാകുളം റീജ്യനല് ഓഫിസിന്റെയും മറ്റ് പദ്ധതികള്ക്കായുള്ള ബഹുനില മന്ദിരത്തിന്റെയും ശിലാസ്ഥാപനം നിര്വഹിക്കുകയായിരുന്നു അദ്ദേഹം. എറണാകുളം സൗത്ത് റെയില്വേ സ്റ്റേഷന് സമീപത്ത് വെയര്ഹൗസിങ് കോര്പറേഷന് ഗോഡൗണിന് സമീപമാണു ഹാന്വീവ് റീജ്യനല് ഓഫിസ് നിര്മിക്കുന്നത്. സ്കൂള് കുട്ടികള്ക്ക് യൂനിഫോം നല്കാനാവശ്യമായ തുണി കൈത്തറി മേഖലയില് നിന്നു ശേഖരിക്കുന്നതു വ്യവസായത്തിന് ഊര്ജം നല്കുന്നു. സ്കൂള് യൂനിഫോം നല്കുന്നതിനായി കൈത്തറി മേഖലയില് കൂടുതല് തറികളും തൊഴിലാളികളും ആവശ്യമായി വരുന്നു. കൈത്തറി മേഖലയില് ആളുകള്ക്കു പ്രത്യേക പരിശീലനം നല്കുന്നുണ്ട്. തൊഴിലാളികള്ക്കു വരുമാന വര്ധനവിനും തൊഴില് ഉറപ്പാക്കുന്നതിനും ഇത്തരം പദ്ധതികള് സഹായിക്കുന്നു. മാറുന്ന അഭിരുചിക്ക് അനുസരിച്ച് പുതിയ ഡിസൈനുകള് സൃഷ്ടിക്കാനും ഡിസൈന് ചെയ്ത ബ്രാന്ഡഡ് ഉല്പന്നങ്ങള് ആയി കൈത്തറി വസ്ത്രങ്ങള് മാര്ക്കറ്റില് എത്തിക്കാനും പദ്ധതിയുണ്ട്. കൈത്തറി മേഖലയെ പ്രതിസന്ധികളില് നിന്ന് കരകയറ്റുമ്പോള് തൊഴില് സുരക്ഷിതത്വം കൂടി ഉണ്ടാവും. അതിനുള്ള പരിശ്രമം സര്ക്കാര് തുടരുകയാണെന്നും മന്ത്രി അറിയിച്ചു. പുതിയ റീജ്യനല് ഓഫിസിന്റെ രൂപരേഖ മന്ത്രി എ സി മൊയ്തീന് പ്രകാശനം ചെയ്തു. ചടങ്ങില് ഹൈബി ഈഡന് എംഎല്എ അധ്യക്ഷത വഹിച്ചു. കെ വി തോമസ് എം പി, ജോണ് ഫെര്ണാണ്ടസ് എംഎല്എ, ജിസിഡിഎ ചെയര്മാന് സി എന് മോഹനന്, ഹാന്വീവ് ഡയറക്ടര് വി ജി രവീന്ദ്രന്, മാനേജിങ് ഡയറക്ടര് കെ സുധീര് പങ്കെടുത്തു.
Next Story
RELATED STORIES
കട്ടപ്പനയിൽ കാട്ടുപന്നി കിണറ്റിൽ വീണു; വനം വകുപ്പ് ഉദ്യോഗസ്ഥരെത്തി...
20 April 2024 10:41 AM GMTത്രിപുരയില് വീണ്ടും വോട്ടെടുപ്പ് നടത്തണമെന്ന് ഇടതുമുന്നണി; പരാതിക്ക്...
20 April 2024 10:40 AM GMTതനിക്കെതിരെ എസ്എഫ്ഐ നടത്തിയത് പ്രതിഷേധമല്ല, ആക്രമണമാണ്: ഗവര്ണര്...
20 April 2024 10:34 AM GMTപക്ഷിപ്പനി; പഞ്ചായത്ത് തല സമിതികള് കൂടി മേല്നടപടികള് സ്വീകരിക്കും: ...
20 April 2024 10:30 AM GMTതൊഴിലാളികളെ രാഷ്ട്രീയവല്ക്കരിക്കും; എസ്ഡിടിയു സംസ്ഥാന പ്രതിനിധി...
20 April 2024 10:27 AM GMTനുണക്ക് സമ്മാനം കൊടുക്കുകയാണെങ്കിൽ ഒന്നാം സ്ഥാനം വിഡി സതീശന് കിട്ടും : ...
20 April 2024 10:26 AM GMT