സ്കൂള് കലോല്സവം ആര്ഭാടങ്ങള് ഒഴിവാക്കി നടത്തുന്നത് പരിശോധിക്കും: ഇ പി ജയരാജന്
BY kasim kzm6 Sep 2018 12:40 AM GMT
kasim kzm6 Sep 2018 12:40 AM GMT
തിരുവനന്തപുരം: പ്രളയക്കെടുതിയെ തുടര്ന്ന് സംസ്ഥാനത്ത് ഈ വര്ഷത്തെ സര്ക്കാര് ചെലവിലുള്ള ആഘോഷ പരിപാടികള് ഒഴിവാക്കിയ നടപടിയില് മാറ്റമില്ലെങ്കിലും സ്കൂള് കലോല്സവം ഉള്പ്പെടെയുള്ളവ ചെലവ് ചുരുക്കി നടത്തുന്നതിനുള്ള സാധ്യത പരിശോധിക്കുമെന്ന് മന്ത്രി ഇ പി ജയരാജന്. സ്കൂള് കലോല്സവം ഒഴിവാക്കുമ്പോള് കുട്ടികളുടെ ഗ്രേസ് മാര്ക്ക് ഉള്പ്പെടെയുള്ള വിഷയങ്ങളില് പ്രശ്നങ്ങള് ഉണ്ടാവുമെന്ന് ചൂണ്ടിക്കാണിക്കപ്പെട്ടിട്ടുണ്ട്. അതിനാല് ഇതേക്കുറിച്ച് ആലോചിച്ചശേഷം ഉചിതമായ തീരുമാനമെടുക്കും. അതുപോലെ കായികതാരങ്ങള്ക്ക് ദേശീയ കായികമേളയില് പങ്കെടുക്കാനുള്ള അവസരം നഷ്ടപ്പെടാതെ നോക്കുമെന്നും അദ്ദേഹം കൂട്ടിച്ചേര്ത്തു. ഇക്കാര്യത്തില് സര്ക്കാര് എടുക്കുന്ന തീരുമാനം നടപ്പാക്കുമെന്ന് വിദ്യാഭ്യാസ മന്ത്രി സി രവീന്ദ്രനാഥ് പ്രതികരിച്ചു. സംസ്ഥാന കലോല്സവം ഒഴിവാക്കിയാലും ജില്ലാതലം വരെ കലോല്സവങ്ങള് നടത്തും. ഇതിന്റെ അടിസ്ഥാനത്തില് വിദ്യാര്ഥികള്ക്ക് ഗ്രേസ് മാര്ക്ക് നല്കാനുള്ള ആലോചനയുമുണ്ട്. അതേസമയം, ആഘോഷങ്ങള് ഒഴിവാക്കുന്നത് സംബന്ധിച്ച് മന്ത്രിമാര് തമ്മില് അഭിപ്രായഭിന്നതയില്ലെന്ന് മന്ത്രി എ കെ ബാലന് പ്രതികരിച്ചു. ആഘോഷങ്ങള് ഒഴിവാക്കിക്കൊണ്ട് പൊതുഭരണ വകുപ്പ് ഉത്തരവ് പുറത്തിറക്കിയതില് അതൃപ്തി പ്രകടിപ്പിച്ച് ചീഫ് സെക്രട്ടറിക്ക് എ കെ ബാലന് നേരത്തേ കത്തയച്ചിരുന്നു.
Next Story
RELATED STORIES
വൈത്തിരിയില് കാറും കെ.എസ്.ആര്.ടി.സിയും കൂട്ടിയിടിച്ച് അപകടം;...
14 April 2024 7:27 AM GMTവയനാട്ടില് മാലിന്യക്കൂമ്പാരത്തിന് തീപിടിച്ച് വയോധികന് മരിച്ചു
26 March 2024 4:48 PM GMTസിദ്ധാര്ഥന്റെ മരണം: സിബിഐയ്ക്ക് രേഖകള് കൈമാറാന് വൈകിയതിന് മൂന്ന്...
26 March 2024 4:22 PM GMTവയനാട് ജീപ്പ് നിയന്ത്രണം വിട്ട് മറിഞ്ഞു; അസം സ്വദേശി മരിച്ചു; നിരവധി...
11 March 2024 5:57 AM GMTസിദ്ധാര്ഥന്റെ കൊലപാതകം സിബി ഐ അന്വഷിക്കണം: രാഹുല്ഗാന്ധി
6 March 2024 1:43 PM GMTകെഎസ്യു വിദ്യാഭ്യാസ ബന്ദ് എസ്എസ്എല്സി- പ്ലസ് ടു പരീക്ഷകളെ...
4 March 2024 2:28 PM GMT